၂၀၁၃ခုနှစ်နောက်ပိုင်း နိုင်ငံခြားရင်းနှီးမြှုပ်နှံမှု မ၀င်ရောက်ထားတဲ့ ချင်းပြည်နယ်အတွက် ရင်းနှီးမြှုပ်နှံမှုတွေ ၀င်ရောက်လာဖို့ ရင်းနှီးမြှုပ်နှံမှုနှင့် ထုတ်ကုန်များပြပွဲကို မြန်မာနိုင်ငံရင်းနှီးမြှုပ်နှံမှုကော်မရှင်နဲ့ ချင်းပြည်နယ်အစိုးရအဖွဲ့တို့ ပူးပေါင်းပြီး ရန်ကုန်မြို့မှာ ပြုလုပ်သွားမယ်လို့သိရပါတယ်။ ချင်းပြည်နယ်ရင်းနှီးမြှုပ်နှံမှုနှင့်ထုတ်ကုန်များပြပွဲကို မတ်လ ၁၆ ရက်နဲ့ ၁၇ ရက်တွေမှာ ရန်ကုန် မြို့မင်းဓမ္မလမ်းက Myanmar Convention Center မှာ ပြုလုပ်မှာဖြစ်ပြီး ပထမနေ့မှာ ချင်းပြည်နယ်နဲ့ ပတ်သက်တဲ့ ရင်းနှီးမြှုပ်နှံမှုအလားအလာများ၊ ဆွေးနွေးပွဲတွေပါဝင်မှာဖြစ်ပြီး ဒုတိယနေ့မှာ ချင်းပြည်နယ်က ဒေသထွက်ကုန်တွေကို ပြသထားမှာဖြစ်ပါတယ်။ ခရီးသွားကဏ္ဍ၊ စိုက်ပျိုးရေးကဏ္ဍနဲ့လျှပ်စစ်ဓာတ်အားထုတ်လုပ်တဲ့ ကဏ္ဍ(၃)ခုအတွက် အဓိကရင်းနှီးမြှုပ်နှံမှုတွေဖိတ်ခေါ်သွားမယ်လို့ သိရပါတယ်။

ချင်းပြည်နယ်မှာ နိုင်ငံခြားရင်းနှီးမြှုပ်နှံမှုအဖြစ် ၂၀၁၃ ခုနှစ်က နောက်ဆုံးဝင်ရောက်ထားတာဖြစ်ပြီး သတ္တုရှာဖွေရေးလုပ်ငန်းတစ်ခုအတွက် နိုင်ငံခြားရင်းနှီးမြှုပ်နှံမှုတစ်ခုဖြစ်ပြီး ၄င်းလုပ်ငန်းမှာလည်း ဆက်လက်လုပ်ကိုင်ခြင်းမရှိခဲ့ဘူးလို့သိရပါတယ်။ မြန်မာနိုင်ငံသားတွေရဲ့ ရင်းနှီးမြှုပ်နှံမှုကလည်း ချင်းပြည်နယ်အတွက် ဟိုတယ်လုပ်ငန်းတစ်ခုသာ ၀င်ရောက်ထားတယ်လို့ MIC ထံကသိရပါတယ်။လမ်းပန်းဆက်သွယ်ရေးကြောင့် ချင်းပြည်နယ်ကို ရင်းနှီးမြှုပ်နှံမှု ၀င်ရောက်မှုနှေးကွေးနေတာဖြစ်ပြီး လက်ရှိချင်းပြည်နယ်မှာ လမ်းပန်းဆက်သွယ်ရေး ကောင်းမွန်စေဖို့ ကမ္ဘာ့ဘဏ်၊ ဂျပန်အပြည်ပြည်ဆိုင်ရာ ပူးပေါင်းဆောင်ရွက်ရေးအေဂျင်စီ (JICA) နဲ့ အစိုးရမှ ဆောင်ရွက်ပေးထားတာရှိပြီး လေယာဉ်ကွင်းတစ်ခုကိုပါ တည်ဆောက်နေတယ်လို့သိရပါတယ်။

 

 

Related News