(၂၀၁၈)ခုနှစ် အောက်တိုဘာ(၁)ရက်ကစတင်ခဲ့တဲ့ လက်ရှိ ၂၀၁၈-၂၀၁၉ ဘဏ္ဍာရေးနှစ်အတွက်မတ်လ (၁၅)ရက်အထိ ငါးလခွဲ ကာလအတွင်း နိုင်ငံခြားရင်းနှီးမြှုပ်နှံမှု စုစုပေါင်း အမေရိကန်ဒေါ်လာ သန်း(၁၉၄၀) ကျော် ၀င်ရောက်ထားတယ်လို့ ရင်းနှီးမြှုပ်နှံမှုနှင့်ကုမ္ပဏီများညွှန်ကြားမှုဦးစီးဌာနထံကသိရပါတယ်။ 
ဒီကာလအတွင်း စုစုပေါင်းရင်းနှီးမြှုပ်နှံမှု အမေရိကန်ဒေါ်လာသန်း တစ်ထောင့်သုံးရာကျော်ရှိတဲ့ နိုင်ငံခြား လုပ်ငန်းအသစ် (၁၂၅)ခု ထပ်မံဝင်ရောက်ခဲ့ပြီး ပြည်တွင်းမှာရှိပြီးသား နိုင်ငံခြားရင်းနှီးမြှုပ်နှံမှုလုပ်ငန်းတွေရဲ့ အရင်းအနှီးတိုးမြှင့်တာနဲ့ပါ ပေါင်းရင်အမေရိကန်ဒေါ်လာ သန်း(၁၈၄၀) နီးပါးရှိတယ်လို့ သိရပါတယ်။
ဒါ့အပြင် ဒီငါးလခွဲအတွင်း အထူးစီးပွားရေးဇုန်တွေကိုလည်း နိုင်ငံခြားရင်းနှီးမြှုပ်နှံမှု အမေရိကန်ဒေါ်လာ သန်း(၁၀၀) ၀န်းကျင် ၀င်ရောက်ခဲ့တာကြောင့် စုစုပေါင်း နိုင်ငံခြားရင်းနှီးမြှုပ်နှံမှုက ငါးလခွဲအတွင်း အမေရိကန်ဒေါ်လာ သန်း(၁၉၄၀)ကျော် ရှိခဲ့တာဖြစ်ပါတယ်။

 (၂၀၁၈) အောက်တိုဘာ(၁)ရက်ကနေ ပြီးခဲ့တဲ့ မတ်လ(၁၅)ရက်အတွင်း ပြည်တွင်းက မြန်မာနိုင်ငံသားတွေရဲ့ ရင်းနှီးမြှုပ်နှံမှုပမာဏ ကတော့ ကျပ် (၇၉၅)ဘီလီယံကျော်ရှိတယ်လို့ ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှု ဦးစီးဌာနရဲ့ စာရင်းတွေအရသိရပါတယ်။ဒီကျပ်(၇၉၅)ဘီလီယံကျော်ထဲမှာ ကျပ်(၅၈၉)ဘီလီယံက ရင်းနှီးမြှုပ်နှံမှုလုပ်ငန်းအသစ် (၇၆)ခုရဲ့ရင်းနှီးမြှုပ်နှံမှု ပမာဏဖြစ်ပြီး ကျန်တာကတော့ လုပ်ငန်းအဟောင်းတွေရဲ့ အရင်းအနှီးတိုးမြှင့်တာဖြစ်တယ်လို့လည်း သိရပါတယ်။မြန်မာနိုင်ငံရင်းနှီးမြှုပ်နှံမှုမြှင့်တင်ရေးစီမံကိန်း(MIPP)အရ မြန်မာနိုင်ငံမှာ (၂၀၁၆)ခုနှစ် ကနေ (၂၀၃၆) ခုနှစ် အထိ နှစ်(၂၀) အတွင်း ပြည်တွင်း ပြည်ပရင်းနှီးမြှုပ်နှံမှု ပမာဏ အမေရိကန်ဒေါ်လာ ဘီလီယံ(၂၂၀) ကျော် ၀င်ရောက်ဖို့  မျှော်မှန်းထား တာဖြစ်ပြီး  (၂၀၂၁)အထိ တစ်နှစ်ကို နိုင်ငံခြားရင်းနှီးမြှုပ်နှံမှုအမေရိကန်ဒေါ်လာ (၅.၈)ဘီလီယံဝင်ရောက်ဖို့် လျာထား တာဖြစ်ပါတယ်။ 

 

Related News