မြန်မာနိုင်ငံရှိပြည်သူလူထုတစ်ရပ်လုံးမှာ အသည်းရောင်အသားဝါ(ဘီ)ရောဂါကင်းစင်နိုင်ရန်အတွက် ရည်ရွယ်ပြီး အသည်းရောင်အသားဝါ (ဘီ) ကာကွယ်ဆေးထိုးအဖွဲ့ Mobile Team ကို (၂၀၁၇)ခုနှစ်က စတင်ဖွဲ့စည်းကာ ပြည်တွင်းက ပြည်သူတွေကို အိမ်တိုင်ရာရောက် ကာကွယ်ဆေးထိုးပေးခြင်းကို ဆောင်ရွက်ပေးလျက်ရှိတယ်လို့ သိရပါတယ်။စက်မှုဝန်ကြီးဌာန မြန်မာ့ဆေးဝါးလုပ်ငန်း  ဆေးဝါးစက်ရုံခွဲ(ရွာသာကြီး) မှာ ဖွဲ့စည်းထားတဲ့ အသည်းရောင်အသားဝါ(ဘီ) ကာကွယ်ဆေး ထိုးအဖွဲ့ Mobile Team ဟာ ပြည်တွင်းက ဝန်ကြီးဌာန၊ ရုံးဌာန၊ ပြင်ပပုဂ္ဂလိကအဖွဲ့အစည်းတွေက ဝန်ထမ်းများနဲ့ မိသားစုတွေကို ဘီပိုးရှိမရှိ စစ်ဆေးပေးတာနဲ့ အသည်းရောင်အသားဝါ(ဘီ)ကာကွယ်ဆေးထိုးတာကို အိမ်တိုင်ရာရောက်ဝန် ဆောင်မှုပေးနေတယ်လို့ သိရပါတယ်။ ကာကွယ်ဆေးမထိုးခင်မှာလည်း ရောဂါပိုးအကြောင်းကို အသိပညာပေးတာတွေလည်း လုပ်ဆောင်ခဲ့တယ်လို့ အသည်းရောင် အသားဝါ(ဘီ) ကာကွယ်ဆေးထိုးအဖွဲ့ Mobile Team အဖွဲ့ခေါင်းဆောင် ဒေါ်ငြိမ်းငြိမ်းက ပြောပါတယ်။ 

အသည်းရောင်အသားဝါ(ဘီ)ရောဂါ ကူးစက်ခံရသူဟာ အသည်းခြောက်ရောဂါကနေ အသည်းကင်ဆာရောဂါ ထိ ဖြစ်ပွားနိုင်တာကြောင့် လူတိုင်းကာကွယ်ဆေးထိုးထားဖို့လိုအပ်တယ်လို့ ပြောပါတယ်။ အသည်းရောင်အသားဝါ(ဘီ) ရောဂါရှိခဲ့ရင်လည်း ဆောင်ရန်ရှောင်ရန်နဲ့ ဆက်လက်ကုသနိုင်ဖို့ကိုလည်း ဆောင်ရွက်ပေးတာတွေရှိတယ်လို့ သိရပါတယ်။ အသည်းရောင်အသားဝါ(ဘီ)ကူးစက်နိုင်တဲ့နည်းလမ်း တွေကို အသည်းရောင်အသားဝါ(ဘီ)ကာကွယ်ဆေးထိုးအဖွဲ့ Mobile Team အဖွဲ့ခေါင်းဆောင် ဒေါ်ငြိမ်းငြိမ်းက အခုလိုပြောပါတယ်။အသည်းရောင်အသားဝါ(ဘီ)ကာကွယ်ဆေးထိုးအဖွဲ့ Mobile Team အနေနဲ့ကလည်း ဆေးထိုးနှံတဲ့ အစီအစဉ်ကို WHO မှ သတ်မှတ်ထား တဲ့ အတိုင်း ("၀"ရက် "၁" လ "၂ " လ)စနစ်၊ ဒါမှမဟုတ် ("၀"ရက် "၁" လ " ၆ " လ)စနစ်တွေနဲ့ ထိုးနှံပေးနေပါတယ်။ ဒါ့အပြင်ကာကွယ် ဆေးထိုးသူတွေရဲ့ လူဦးရေစာရင်းကို  ကွန်ပျူတာပရိုဂရမ် ထည့်သွင်းထားပြီး ကာကွယ်ဆေးထိုးရမည့်ရက်တွေကိုလည်း အချိန်မီထိုးနှံနိုင်ဖို့ အတွက် အကြောင်းကြားတာတွေကို ဆောင်ရွက်လျက်ရှိနေတယ်လို့ သိရပါတယ်။ Mobile Team အဖွဲ့ကို ချိတ်ဆက်ပြီး ကာကွယ်ဆေး ထိုးနှံလိုပါက ဖုန်းနံပါတ် (09-2045300 နဲ့ 09-5156195 ) ကို ဆက်သွယ်ဆောင်ရွက်ပြီး ထိုးနှံနိုင်တယ်လို့ သိရပါတယ်။ 


 

Related News