သင်္ကြန်ကာလအတွင်း ခရီးသွားလာသူတွေအနေနဲ့ ကားလက်မှတ်ဝယ်ယူရာမှာ အဆင်ပြေစေဖို့နဲ့ လက်မှတ်ခတွေကို ပုံမှန်ဈေးနှုန်းနဲ့သာ ရောင်းချဝန်ဆောင်မှုပေးနိုင်ဖို့အတွက်  ရန်ကုန်တိုင်းဒေသကြီးအစိုးရအဖွဲ့က စီစဉ်ဆောင်ရွက် လျက်ရှိတယ်လို့ သိရပါတယ်။ ဒါ့ကြောင့် ပြည်သူတွေအနေနဲ့ လက်မှတ်ဝယ်ယူ၍ မရခြင်း၊ လက်မှတ်ခဈေးနှုန်းများ ပိုမိုပေးဆောင်ရမှုတွေ မရှိစေဖို့အတွက် ရန်ကုန်တိုင်းဒေသကြီးရှိ အဝေးပြေးဂိတ်တွေမှာ အသိပေးပြောကြားထားပြီး သင်္ကြန်ကာလမှာ လက်မှတ်ခပို၍ ရောင်းချခဲ့ပါက  စားသုံးသူရေးရာဦးစီးဌာနမှ စားသုံးသူကာကွယ်ရေးဥပဒေနဲ့အညီ အရေးယူဆောင်ရွက်သွားမှာဖြစ်တယ်လို့ အသိပေးနှိုးဆော်ထားပါတယ်။

ပြီးခဲ့တဲ့ (၂၀၁၈)ခုနှစ် သင်္ကြန်ကာလရုံးပိတ်ရက်တွေမှာ ခရီးသွားပြည်သူတွေအနေနဲ့ ယာဉ်စီးနင်းခများအား သတ်မှတ်နှုန်းထက်ပိုမိုတောင်းခံခြင်း၊ မူလ၀ယ်ယူထားသော ခုံနံပါတ်နဲ့ယာဉ်စီးနင်းရာ လွဲမှားနေခြင်း၊ ခရီးသည်တွေကို သတ်မှတ်နေရာရောက်အောင် ပို့ဆောင်ပေးမှုမရှိခြင်း၊ ခရီးစဉ်ကို အချိန်နဲ့ တပြေးညီထွက်ခွာမှု မရှိခြင်းတွေ နဲ့ လက်မှတ်ဝယ်ယူဖို့ကြော်ငြာထားတဲ့ နေ့ရက်တွေမှာ အမှန်တကယ် ၀ယ်ယူရရှိမှုမရှိခြင်းစတဲ့ တိုင်ကြားမှုတွေကို စားသုံးသူရေးရာဦးစီးဌာနက အများဆုံးလက်ခံဖြေရှင်းခဲ့ရတယ်လို့ သိရပါတယ်။ဒါကြောင့် ခရီးသွားဝန်ဆောင်မှုလုပ်ငန်းဆောင်ရွက်နေတဲ့ လုပ်ငန်းရှင်တွေအနေနဲ့ စီးပွားရေးကျင့်ဝတ်၊ စည်းကမ်းနှင့်အညီ ဖြောင့်မတ်မှန်ကန်စွာဆောင်ရွက်ကြဖို့နဲ့ စားသုံးသူပြည်သူတွေအနေနဲ့(၂၀၁၉)ခုနှစ် သင်္ကြန်ကာလပိတ်ရက်တွေမှာ အထက်ဖော်ပြပါကိစ္စရပ်တွေ ကြုံတွေ့ရပါက စားသုံးသူရေးရာဦးစီးဌာန ဖုန်းနံပါတ်ဖြစ်တဲ့ ၀၆၇-၄၃၀၁၄၉ ကို ဆက်သွယ် တိုင်ကြားနိုင်သလို Website လိပ်စာဖြစ်တဲ့ www.doca.gov.mm ကိုလည်း ပေးပို့တိုင်ကြားနိုင်တယ်လို့ သိရပါတယ်။

 

 

Related News