ရွှေတိဂုံစေတီတော်ကို နိုင်ငံခြားသားခရီးသွားဝင်ရောက်မှုဟာ ယခင်နှစ်နဲ့ နှိုင်းယှဉ်ရင် ဆက်တိုက်ပြန်လည်မြင့်တက်လာခဲ့တယ်လို့ သိရပါတယ်။ ရွှေတိဂုံစေတီတော်ကို နိုင်ငံခြားသားခရီးသွားဝင်ရောက်လာမှုဟာ (၂၀၁၈) ခုနှစ် နှစ်လယ်ပိုင်းကစပြီး လျော့ကျသွားပေမယ့် (၂၀၁၈)ခုနှစ် ဒီဇင်ဘာလကနေစပြီး နိုင်ငံခြားသားခရီးသွားဝင်ရောက်မှုတွေပြန်လည်မြင့်တက်လာခဲ့တယ်လို့ သိရပါတယ်။(၂၀၁၉)ခုနှစ်အတွင်းမှာတော့ ဖေဖော်ဝါရီလက နိုင်ငံခြားသားဝင်ရောက်မှုက အများဆုံးဖြစ်ပြီး (ရှစ်သောင်းနှစ်ထောင့်လေးရာ) ကျော်ဝင်ရောက်ခဲ့တယ်လို့သိရပါတယ်။ မတ်လမှာတော့ နိုင်ငံခြားသားခရီးသွားဧည့်သည်က (၇)သောင်း(၆)ထောင်ကျော်ဝင်ရောက်ပြီး ဖေဖော်ဝါရီလထက် လျော့နည်းသွားပေမယ့် ပြီးခဲ့တဲ့ နှစ်ကာလတူနဲ့ နှိုင်းယှဉ်ရင် ပိုမိုများပြားလာတယ်လို့သိရပါတယ်။ နိုင်ငံခြားသားခရီးသွားဝင်ရောက်မှု လျော့ကျတာဟာ လအနည်းငယ်သာ ဖြစ်ပြီး ယခုနောက်ပိုင်းမှာတော့ ပြန်လည်မြင့်တက်လာခဲ့တာလို့သိရပါတယ်။

ယခုနှစ်မှာ ရွှေတိဂုံစေတီတော်ကို ထိုင်း၊ကိုရီးယား၊တရုတ်၊ဂျပန် နိုင်ငံတွေက အများဆုံးလာရောက်ကြတာဖြစ်တယ်လို့ သိရပါတယ်။ ရွှေတိဂုံစေတီတော်ကို လာရောက်တဲ့ နိုင်ငံခြားသားတွေအတွက် တစ်ဦးကို မြန်မာငွေကျပ် တစ်သောင်းကောက်ခံနေတာဖြစ်ပြီး (၂၀၁၉)ခုနှစ် မတ်လမှာနိုင်ငံခြားသားကောက်ခံငွေ ငွေကျပ် သိန်း (၇၆၀၀)ကျော်ရရှိခဲ့တယ်လို့သိရပါတယ်။ ရွှေတိဂုံစေတီတော်ရဲ့ဧည့်ဝင်ကြေးကောက်ခံရရှိငွေများကိုတော့  ရွှေတိဂုံစေတီတော် နဲ့ စေတီတော်ပရ၀ဏ်အတွင်း အဆောက်အဦများပြန်လည်ပြင်ဆင်မှုတွေမှာ အသုံးပြုနေတယ်လို့သိရပါတယ်။ 


 

Related News