အာဂျင်တီနားနိုင်ငံမှာ အခု(၂၀၁၉)ခုနှစ်ပထမ(၃)လပတ်အတွင်း ငွေကြေးဖောင်းပွမှုမြင့်တက် လာတာကြောင့် အဲဒီဖြစ်ရပ်ကို ထိန်းချုပ်နိုင်မယ့် အစီအမံသစ်တွေကို ဗုဒ္ဓဟူးနေ့မှာ ကြေညာခဲ့ပါတယ်။ အခု(၂၀၁၉)ခုနှစ်ပထမ(၃)လပတ်အတွင်း အာဂျင်တီးနားနိုင်ငံမှာ ငွေကြေးဖောင်းပွမှု(၁၁.၈)ရာခိုင်နှုန်းအထိမြင့်တက်လာတာကြောင့် အဲဒီငွေ ကြေး ဖောင်းပွမှုတွေကိုထိန်းချုပ်နိုင်မယ့် စီးပွားရေးအစီအမံသစ်တွေကို ဗုဒ္ဓဟူးနေ့မှာ အာဂျင်တီးနားက ကြေညာခဲ့ပါတယ်။ ငွေကြေးဖောင်းပွ မှုကြောင့် အစားအစာနဲ့ အဖျော်ယမကာနှုန်းထားတွေ(၆)ရာခိုင်နှုန်းတိုးလာပြီး ဆင်းရဲနွမ်းပါးမှုနှုန်း လည်း(၆.၃)ရာခိုင်နှုန်း တိုးလာပါတယ်။ အစုံလိုက်အဆိုပြုတင်ပြခဲ့တဲ့ စာမျက်နှာ(၁၁)မျက်နှာပါဝင်တဲ့စီးပွားရေးအစီအမံထဲမှာ အနည်းဆုံး(၆)လကြာ အခြေခံထုတ်ကုန် (၆၀)ရဲ့ နှုန်း ထားတွေကို စီးပွားရေးခေါင်းဆောင်တွေကထိန်းထားရမယ်ဆိုတဲ့ သဘော တူညီချက်တစ်ခုလည်းပါဝင်နေပါတယ်။

အခုကြေညာလိုက်တဲ့ စီးပွားရေး အစီအမံတွေက အတိုင်းအတာတစ်ခုအထိ ထိရောက် လိမ့်မယ်လို့ စီးပွားရေးပညာရှင်တချို့ကယူဆနေပေမဲ့ အနာဂတ်မှာ အဲဒီအစီ အမံတွေကဘယ်လိုအောင်မြင် နိုင်မလဲဆိုတာကတော့ အခက်အခဲတစ်ခုအဖြစ်ရှိနေဆဲပါ။ (၂၀၁၉)ခုနှစ်ကုန်ပိုင်းအထိ စီးပွားရေးအစီအမံသစ် တွေက အပြည့်အ၀ရှိနေမှာဖြစ်ပြီး ဗုဒ္ဓဟူးနေ့က ကြေညာခဲ့တဲ့ ကြေညာချက်ထဲမှာ အာဂျင်တီးနားနိုင်ငံက လူကြိုက်အများဆုံးအစားအစာ တွေဖြစ်တဲ့ အသားကင်၊ အမဲသားနဲ့ လက်တင်အမေရိကနိုင်ငံတချို့မှာ ဆွေဒိုရိုလို့သိကြတဲ့ ပါးလွှာတဲ့အမဲသားတွေကို အသားထုတ်လုပ်ရုံတွေ အနေနဲ့ တစ်ပတ်ရောင်းချမှုတန်ချိန်(၁၂၀)အထိလျှော့ချဖို့နဲ့ ဘူနို အေးရိစ်ရဲ့ဗဟိုဈေးကွက်ထဲမှာ တစ်ကီလိုဂရမ်ကို အမေရိကန်ဒေါ်လာ (၃.၄၆) ဒေါ်လာနဲ့ ရောင်းချရမယ်ဆိုတဲ့ သဘောတူညီချက်လည်းပါဝင်ခဲ့ပါတယ်။

 

 

Related News