ပြည်တွင်းမှာရှိတဲ့ ရုပ်ရှင်ဖန်တီးမှုကို စ်ိတ်ပါဝင်စားတဲ့လူငယ်တွေအတွက် ရုပ်ရှင်ဖန်တီးမှုလုပ်ငန်းစဉ် အစအဆုံးကို လေ့လာသင်ယူနိုင်မယ့် JCGV Toto's Film Making Class ကို ၂၀၁၉ခုနှစ် ဧပြီလမှာစတင်ဖွင့်လှစ် သင်ကြားခဲ့ပါတယ်။ JCGV Toto's Film Making Class က တောင်ကိုရီးယားနိုင်ငံရဲ့ထင်ရှားတဲ့ ရုပ်ရှင်လုပ်ငန်းတစ်ခုဖြစ်တဲ့ CJCGV နဲ့ ပြည်တွင်းက  Gravity Entertainment Company Limited တို့က ပူးပေါင်းအကောင်အထည်ဖော်ခဲ့တယ်လို့ သိရပါတယ်။ CJCGVက Toto's Film Making Class တွေကို (၂၀၀၈)ခုနှစ်ကစပြီး တောင်ကိုရီးယားနိုင်မှာစတင်ဖွင့်လှစ် ခဲ့ပြီး (၂၀၁၁)ခုနှစ်နောက်ပိုင်းမှာတော့ ကမ္ဘာလုံးဆိုင်ရာအစီအစဉ်အနေနဲ့ တရုတ်နိုင်ငံ၊ဗီယက်နမ်နိုင်ငံ နဲ့ အင်ဒိုနီးရှားနိုင်ငံတို့မှာ CGV ရုပ်ရှင်ရုံတွေဖွင့်လှစ်ခဲ့ကာ ရှပ်ရှင်ဖန်တီးထုတ်လုပ်မှု သင်တန်းတွေဖြစ်တဲ့ Toto's Film Making Class ကိုပါဖွင့်လှစ်သင်ကြားပေးခဲ့တာဖြစ်ပါတယ်။အခု(၂၀၁၉)ခုနှစ် ဧပြီလမှာတော့ ပြည်တွင်းက ၀ါသနာရှင်လူငယ်တွေအတွက် ရည်ရွယ်ပြီး လာရောက်ဖွင့်လှစ်သင်ကြားပေးခဲ့တယ်လို့ သိရပါတယ်။

ပြည်တွင်းမှာ လာရောက်ဖွင့်လှစ်သင်ကြားပေးခဲ့တဲ့ JCGV Toto's Film Making Class မှာ ရုပ်ရှင်တစ်ကားဖန်တီး ရိုက်ကူးခြင်း၊ တည်းဖြတ်ခြင်း၊ ဈေးကွက်ဖော်ဆောင်ခြင်း၊ ဇာတ်ညွှန်းရေးသားခြင်း၊ သရုပ်ဆောင်ခြင်း နဲ့ ဇာတ်ကားပြသခြင်း အပါအ၀င် ရုပ်ရှင်ရိုက်ကူးထုတ်လုပ်မှုဆိုင်ရာအခြေခံအချက်အလတ်များမှအစ ဇာတ်ကားပြသည်အထိ လိုအပ်ခဲ့တဲ့ပညာရပ်တွေကို တစ်ပတ်တာ စာတွေ့၊လက်တွေ့ အစီအစဉ်တွေနဲ့ သင်ကြားပို့ချခဲ့တယ်လို့ သိရပါတယ်။

ဒီသင်တန်းကို လျှောက်ထားသူတွေထဲက ရုပ်ရှင်ဖန်တီးထုတ်လုပ်မှုပညာကို စိတ်ပါဝင်စားတဲ့ လူငယ်(၃၀)ဦးတက်ကို ရွေးချယ်ကာ ဧပြီ(၁)ရက်မှ (၈)ရက်အထိ သင်ကြားပေးခဲ့တာဖြစ်ပါတယ်။အခုလိုတက်ရောက်သင်ယူခဲ့တဲ့ သင်တန်းသား တွေကိုတော့  ဧပြီလ(၂၀)ရက်က ရန်ကုန်မြို့ Junction city မှာရှိတဲ့ JCGV Stadium မှာ သင်တန်းဆင်း လက်မှတ်တွေ ချီးမြှင့်ခဲ့ပါတယ်။အဆိုပါအခမ်းအနားကို ပြန်ကြားရေးဝန်ကြီးဌာန ပြည်ထောင်စုဝန်ကြီး ဒေါက်တာဖေမြင့်၊ မြန်မာနိုင်ငံရုပ်ရှင် အစည်းအရုံးနဲ့ JCGV Toto Project Team မှ တာဝန်ရှိ်သူများတက်ရောက်ခဲ့ကြပါတယ်။       

                                                                                                                                                                                         

Related News