မြန်မာနိုင်ငံရှိ အရပ်ဘက်လူမှုအဖွဲ့အစည်းတွေနဲ့ ပိုမိုထိတွေ့ပူးပေါင်းဆောင်ရွက်သွားမယ်လို့ မြန်မာနိုင်ငံဆိုင်ရာ ဥရောပသမဂ္ဂသံအမတ်က ပြောပါတယ်။ ဒီလိုဆောင်ရွက်နိုင်ဖို့ (၂၀၂၀)ခုနှစ်အထိ မဟာဗျူဟာ တစ်ခုကိုချမှတ်ထားပြီး လူမှုအဖွဲ့အစည်းတွေရဲ့အသံတွေကို ပိုမိုနားထောင်နိုင်ဖို့ ရည်ရွယ်ထားတယ်လို့ ပြောပါတယ်။ ဒါဟာ (၂၀၁၄) ကနေ (၂၀၁၇)ခုနှစ်အထိ ဆောင်ရွက်ခဲ့တဲ့ အရပ်ဘက်အဖွဲ့တွေနဲ့ပူးပေါင်းဆောင်ရွက်မှု စီမံကိန်းရဲ့ နောက်ဆက်တွဲဆောင်ရွက်ချက်ဖြစ်ပြီး အရပ်ဘက်အဖွဲ့တွေနဲ့ ဥရောပသမဂ္ဂ(EU)အကြား တွေ့ဆုံဆွေးနွေးမှုတွေ၊ အစိုးရနဲ့ အရပ်ဘက်အဖွဲ့တွေကြားတွေ့ဆုံမှုတွေ ပါဝင်မှာဖြစ်သလို အရပ်ဘက် လူမှုအဖွဲ့အစည်းတွေ အတွက် EUရဲ့ ထောက်ပံ့မှုတွေလည်း ပါဝင်မှာဖြစ်ပါတယ်။
 

(၂၀၂၀)ဒီဇင်ဘာလအထိသက်တမ်းရှိမယ့် ဒီမဟာဗျူဟာစီမံကိန်းအတွက်အခုလအတွင်းမှာပဲ မြန်မာနိုင်ငံ ဆိုင်ရာဥရောပသမ္မဂ္ဂ သံအမတ်ကြီးဦးဆောင်ပြီးအရပ်ဘက်အဖွဲ့အစည်းအသီးသီးက ကိုယ်စားလှယ်(၁၂၀)ကျော်ဟာ ရန်ကုန်မှာတွေ့ဆုံဆွေးနွေးခဲ့ပြီးဖြစ်ပါတယ်။ဥရောပသမဂ္ဂရဲ့ ပြီးခဲ့တဲ့နှစ်က အကူအညီပေးခဲ့တဲ့ ယူရိုသန်း(၁၀၀)ထဲမှာ (၂၀)ရာခိုင်နှုန်းက အရပ်ဘက် လူမှုအဖွဲ့အစည်းတွေကို ထောက်ပံ့ပေးခဲ့တာဖြစ်ပါတယ်။မြန်မာနိုင်ငံမှာ အရပ်ဘက်အဖွဲ့တွေရဲ့ အခန်းကဏ္ဍက အရေးကြီးနေဆဲဖြစ်တာကြောင့် အားကောင်းအောင်ဆောင်ရွက်ဖို့လိုတယ်လို့ သံအမတ်ကြီးက ပြောပါတယ်။

ဥရောပသမဂ္ဂကိုတော့ (၁၉၉၃)ခုနှစ်က အဖွဲ့ဝင်(၁၂)နိုင်ငံနဲ့စတင်ဖွဲ့စည်းခဲ့တာဖြစ်ပြီး လက်ရှိမှာ ဥရောပတိုက်က အဖွဲ့ဝင်နိုင်ငံ(၂၈)နိုင်ငံရှိနေပြီဖြစ်ပါတယ်။ မြန်မာနိုင်ငံကို ငြိမ်းချမ်းရေး၊ ဖွံဖြိုးတိုးတက်ရေး၊ ဒီမိုကရေစီနဲ့ လူ့အခွင့်အရေးအပါအ၀င် ကဏ္ဍများစွာမှာ အကူအညီပေးနေတာဖြစ်ကာ ပြီးခဲ့တဲ့မတ်လတုန်းကလည်း ပညာရေးကဏ္ဍအတွက် ယူရို (၂၂၁)သန်း အကူအညီပေးထားပါတယ်။


 

Related News