ICT ကဏ္ဍတွင်း ပူးပေါင်းဆောင်ရွက်ရေးအတွက် (၂)နှစ်တာ သက်တမ်းရှိ သဘောတူညီမှုစာချုပ် လက်မှတ်ရေးထိုးမှုကို ဧပြီလ(၂၂)ရက်က ရန်ကုန်မြို့ Huawei ရုံးချုပ်မှာ ပြုလုပ်ခဲ့ပါတယ်။အခု သဘောတူစာချုပ်ကိုတော့ မြန်မာနိုင်ငံ အင်ဂျင်နီယာအသင်းချုပ်နဲ့ Huawei တို့က လက်မှတ်ရေးထိုးခဲ့ကြတာ ဖြစ်ပါတယ်။ မြန်မာအင်ဂျင်နီယာ မျိုးဆက်သစ်များရဲ့ အရည်အသွေးမြှင့်တင်ရေးအတွက် အထောက်အပံ့ပေးနိုင်ဖို့နဲ့ အိမ်တွင်းကွန်ရက် လွှမ်းခြုံမှု တိုးတက်လာရေး၊ FTTH စံချိန်စံညွှန်းမြင့်မာလာရေးတို့ကို ပူးပေါင်းဆောင်ရွက်ရန် ရည်ရွယ်ပြီး သဘောတူစာချုပ်ကို လက်မှတ်ရေးထိုး ခဲ့ကြတာဖြစ်ပါတယ်။အခုရေးထိုးခဲ့တဲ့ (၂)နှစ်တာ သက်တမ်းရှိ သဘောတူညီမှုစာချုပ်ပါ အချက်အလက်တွေအရ မြန်မာနိုင်ငံ အင်ဂျင်နီယာအသင်းချုပ်နဲ့ Huawei တို့က အစိုးရများ၊ ဆက်သွယ်ရေး အော်ပရေတာများ၊ နယ်ပယ်အတွင်းရှိ လေ့လာဆန်းစစ်သည့် အဖွဲ့အစည်းများ၊ အခြားသောအဖွဲ့ အစည်းများနဲ့အတူ ပူးပေါင်းပြီး အိမ်တွင်းကွန်ရက်များကို ဒီဂျစ်တယ်အသွင်ကူးပြောင်းရေးအတွက်အကောင်အထည်ဖော် ဆောင်ရွက် သွားမယ်လို့သိရပါတယ်။

ဒါ့အပြင် မြန်မာနိုင်ငံ အင်ဂျင်နီယာ အသင်းချုပ်နဲ့ Huawei တို့ပူးပေါင်းပြီး Cloud၊e-learning ဆိုင်ရာအသိအမှတ်ပြု လက်မှတ်ပေးမယ့် အစီအစဉ်တွေနဲ့ အလုပ်သင်အစီအစဉ်တွေအပါအ၀င် အခြားသတ်မှတ်နယ်ပယ်များ ဖွံ့ဖြိုးတိုးတက်ရေးအတွက်လည်း ပူးပေါင်းဆောင်ရွက်သွားမယ်လို့သိရပါတယ်။Huawei အနေနဲ့ ပြည်တွင်းမှာ အနာဂတ် Digital နိုင်ငံတည်ဆောက်ရေးအတွက် ပိုမိုအားဖြည့်ပေးနိုင်ရန် ICT Talent Development  သဘောတူစာချုပ်တစ်စောင်ကို ယခုနှစ် အစပိုင်းမှာ သက်ဆိုင်ရာတာဝန်ရှိသူတွေနဲ့ရေးထိုးခဲ့တဲ့ အပြင် ICT ကဏ္ဍအတွက် အခြားသော ထောက်ပံ့မှုတွေကိုလည်း နှစ်စဉ်ဆောင်ရွက်ပေးနေတယ်လို့ သိရပါတယ်။

 

 

Related News