လျှပ်စစ်နှင့်အီိလက်ထရောနစ်ထုတ်ကုန်ပစ္စည်းဆိုင်ရာ ပူးတွဲဆပ်ကော်မတီ၏ (၂၇)ကြိမ်မြောက် အစည်းအဝေးနှင့် ဆက်စပ်အလုပ်ရုံ ဆွေးနွေးပွဲကို နေပြည်တော်မှာရှိတဲ့ သင်္ဂဟဟိုတယ်မှာ ဧပြီလ(၂၂)ရက်ကနေ (၂၅)ရက်အထိ ပြုလုပ်နေတယ်လို့ သိရပါတယ်။လျှပ်စစ်နှင့် အီလက်ထရောနစ်ထုတ်ကုန်ပစ္စည်းဆိုင်ရာ ပူးတွဲဆပ်ကော်မတီ အစည်းအဝေးများကို  အာဆီယံဒေသတွင်း လွတ်လပ်သော ကုန်သွယ်မှုနယ်ပယ်ဖြစ်ပေါ်ရေး၊ ကုန်သွယ်မှု အတားအဆီးဆိုင်ရာ လျှော့ချရေးနှင့်အာဆီယံဒေသတွင်း လျှပ်စစ်နှင့် အီလက်ထရောနစ် ထုတ်ကုန်ပစ္စည်းဆိုင်ရာ အပြန်အလှန်သဘောတူညီချက်နှင့် လျှပ်စစ်နှင့် အီလက်ထရောနစ် ထုတ်ကုန်ပစ္စည်းဆိုင်ရာထိန်းသိမ်းကွပ်ကဲမှု စနစ်တွေကို အကောင်အထည်ဖော်ဆောင်ရွက်နေရွက်နေမှုတွေ၊ လက်ရှိဆောင်ရွက်နေမှုတွေနဲ့ ဆက်လက်အကောင်အထည်ဖော် ဆောင်ရွက်သွားမည့်အစီအစဉ်တွေကို သိရှိစေဖို့ ရည်ရွယ်ပြုလုပ်တာဖြစ်တယ်လို့ သိရပါတယ်။

လျှပ်စစ်နှင့်အီိလက်ထရောနစ်ထုတ်ကုန်ပစ္စည်းဆိုင်ရာ ပူးတွဲဆပ်ကော်မတီ၏အစည်းအဝေးနှင့်ဆက်စပ်အလုပ်ရုံ ဆွေးနွေးပွဲကို အာဆီယံ (၁၀)နိုင်ငံမှတာဝန်ရှိသူများတက်ရောက်ခဲ့ကြပြီး (၁)နှစ်ကိုနှစ်ကြိမ်ပြုလုပ်လေ့ရှိတယ်လို့သိရပါတယ်။  မြန်မာနိုင်ငံအနေနဲ့ (၂၀၁၄)ခုနှစ်က (၁၇)ကြိမ်မြောက်အစည်းအဝေးကို ပထမဆုံးအကြိမ် အိမ်ရှင်အဖြစ်လက်ခံကျင်းပခဲ့တာဖြစ်ပြီး ယခု(၂၇) ကြိမ်မြောက် အစည်းအဝေးကို ဒုတိယအကြိမ် အိမ်ရှင်အဖြစ်လက်ခံကျင်းပတာဖြစ်တယ်လို့ သိရပါတယ်။

 

 

Related News