လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ ပြန်လည်ထူထောင်ရေးဦးစီးဌာနလက်အောက်ရှိ မူးယစ်ဆေးဖြတ်ပြီးသူတွေကို ပြန်လည်ထူထောင်ရေးလုပ်ငန်းဆောင်ရွက်ပေးဖို့အတွက် ပြန်လည်ထူထောင်ရေးစခန်း(ရန်ကုန်)မှာ သင်တန်းအပတ်စဉ်(၁/၂၀၁၉)ဖွင့်လှစ်ဖို့အတွက် သင်တန်းသားခေါ်ယူနေတာဖြစ်ပြီး မေလမှာ ဖွင့်လှစ်သွားမှာ ဖြစ်ပါတယ်။လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ ပြန်လည်ထူထောင်ရေးဦးစီးဌာန ကမ္ဘာအေးဘုရားလမ်းရှိ ပြန်လည်ထူထောင်ရေးစခန်း(ရန်ကုန်)ကို(၂၀၁၇)ခုနှစ် ဧပြီလက စတင်တည်ဆောက်ခဲ့ပြီး ဒီဇင်ဘာလ(၂၅)ရက်က ဖွင့်လှစ်ခဲ့တယ်လို့ သိရပါတယ်။ ပြန်လည်ထူထောင်ရေးစခန်း(ရန်ကုန်)မှာ မူးယစ်ဆေးဖြတ်ပြီး သူတွေကို လက်ခံမှာဖြစ်ပြီး မူးယစ်ဆေးဖြတ်ပြီးကြောင်း ထောက်ခံစာကို ရွာသာကြီးစိတ်ကျန်းမာရေးဆေးရုံနဲ့အစိုးရ အသိအမှတ်ပြုဆေးရုံဆေးခန်းတွေရဲ့ ထောက်ခံစာရရှိမှသာ တက်ရောက်နိုင်မှာ ဖြစ်တယ်လို့ သိရပါတယ်။

သင်တန်းအပတ်စဉ်တစ်ခုမှာ သင်တန်းသားအယောက်(၂၀)လက်ခံမှာဖြစ်ပြီး (၁/၂၀၁၉)သင်တန်းအတွက် သင်တန်းသားတွေကို ဧပြီလ(၂၂) ရက်မှ မေလ(၄)ရက်ထိ လက်ခံသွားမယ်လို့ သိရပါတယ်။ သင်တန်းကိုတော့လာမယ့် မေလ(၆)ရက်မှာ ဖွင့်လှစ်သွားမယ်လို့ သိရပါတယ်။သင်တန်းသားတွေကို စိတ်ဓါတ်ပိုင်းဆိုင်ရာလေ့ကျင့်မှု၊ ခန္ဓာကိုယ်ကျန်းမာဖို့အတွက်အားကစားနည်းတွေအပြင် အသက်မွေးဝမ်းကျောင်းပညာတွေဖြစ်တဲ့ ဆပ်ပြာဆီလုပ်ငန်းနဲ့ တံဆိပ်ရိုက်လုပ်ငန်း၊ စိုက်ပျိုးရေးလုပ်ငန်းတွေကို သင်ကြားပေးသွားမယ်လို့ သိရပါတယ်။ သင်တန်းဆင်းပြီး သင်တန်းသားတွေကိုလည်း စေတနာ့ဝန်ထမ်းတွေအနေနဲ့ (၁)နှစ် စောင့်ကြည့်ထိန်းသိမ်းခြင်းတွေ လုပ်ဆောင်ပေးတယ်လို့ သိရပါတယ်။ပြန်လည်ထူထောင်ရေးစခန်း(ရန်ကုန်)မှာ သင်တန်းအပတ်စဉ်တစ်ခုကို(၃၅)ရက်ကြာသင်ကြားပေးမှာဖြစ်ပြီး၊ သင်တန်း သားတွေအနေနဲ့ သင်တန်းအပတ်စဉ်တစ်ခုနဲ့ လုံလောက်မှုမရှိပါက သင်တန်းအပတ်စဉ်(၂)ခုအထိသင် ကြားပေးသွားမယ်လို့ သိရပါတယ်။ သင်တန်းအပတ်စဉ်တစ်ခုမှာ သင်တန်းသားအယောက်(၂၀)လက်ခံတာဖြစ်ပြီး (၁/၂၀၁၉)သင်တန်းကို လာမယ့် မေလ(၆)ရက်မှာ ဖွင့်လှစ်သွားမယ်လို့ သိရပါတယ်။

 

 

Related News