ရန်ကုန်မြို့တော် စည်ပင်သာယာရေးကော်မတီအနေနဲ့ ရန်ကုန်မြို့တွင်း DownTown(၆) မြို့နယ်မှာ (Smart Car Parking)စနစ် အမြန်ဆုံး အကောင်အထည်ဖော်လုပ်ဆောင်နိုင်ဖို့ လွှတ်တော်ကိုယ်စားလှယ်တွေ၊ မြန်မာနိုင်ငံအင်ဂျင်နီယာအသင်း၊ ကွန်ပျူတာအသင်းတွေက ပညာရှင်တွေနဲ့ Smart Car Parking အကောင်အထည်ဖော်၊ စိစစ်ရေးအဖွဲ့အဖြစ် ဖွဲ့စည်း လုပ်ဆောင်နေတာဖြစ်ပါတယ်။ (Smark Car Parking)စနစ်အတွက်  ကုမ္ပဏီဘက်က လုပ်ငန်းစတင်နိုင်ဖို့နဲ့ ပတ်သက်လို့ အစောဆုံးမေလကုန်လောက်မှာ စတင်နိုင်မယ်လို့ သိရပါတယ်။ရန်ကုန်မြို့တွင်း Smart Car Parking စနစ်အတွက် စိတ်ဝင်စားမှုဖော်ပြခြင်း(EOI) အဆိုပြုလွှာတင်ပြလာတဲ့ ကုမ္ပဏီအများစုက  ဆက်သွယ် ရေးလုပ်ငန်းလိုင်စင်မရှိကြလို့ လုပ်ငန်းစဉ်တွေ ဖော်ဆောင်နိုင်ဖို့ ကြန့်ကြာနေခဲ့တယ်လို့ သိရပါတယ်။ ဆက်သွယ်ရေး လိုင်စင်လျှောက် ထားဖို့အတွက်  သက်ဆိုင်ရာဌာနနဲ့ မြို့တော်စည်ပင်တို့ညှိနှိုင်းပြီး အမြန်ဆုံး လိုင်စင်ချထားပေးနိုင်အောင် လက်ရှိမှာလုပ်ဆောင်နေတယ်လို့ သိရပါတယ်။

(EOI) အဆိုပြုလွှာကို ဆက်သွယ်ရေးလုပ်ငန်းလိုင်စင်နဲ့တကွ ဒုတိယအကြိမ်ပြန်လည်တင်သွင်းခိုင်းထားတယ်လို့ သိရပါတယ်။ (EOI) အဆိုပြုလွှာတွေနဲ့ ပတ်သက်လို့ စိစစ်ရေးအဖွဲ့က စိစစ်ပြီးရင်တော့ တင်ဒါခေါ်ယူဖို့ကို လာမယ့်မေလအတွင်းမှာ လုပ်ဆောင်သွားမှာဖြစ်ပြီး လုပ်ငန်းစတင်ဖို့ကတော့ အစောဆုံး မေလကုန်လောက်မှ စတင်နိုင်မယ်လို့  စိစစ်ရေးအဖွဲ့မှာ ပါဝင်တဲ့ တိုင်းဒေသကြီးလွှတ်တော်ကိုယ်စားလှယ် ဒေါ်ကြည်ပြာက ပြောပါတယ်။ရန်ကုန်မြို့တွင်းကားပါကင်စနစ်အတွက် (၂၀၁၈)ခုနှစ်အတွင်းက တင်ဒါခေါ်ယူစဉ်တုန်းက ဇုန်တွေခွဲပြီး ကုမ္ပဏီတွေကို လုပ်ပိုင်ခွင့်တွေခွဲပေးဖို့ သတ်မှတ်ခဲ့ပေမယ့် တင်ဒါခေါ်ယူပြီးမှ ဖျက်သိမ်းခဲ့တာဖြစ်ပါတယ်။ ဒီတခါမှာတော့ ကုမ္ပဏီတစ်ခုထဲကိုပဲ လုပ်ပိုင်ခွင့်ပေးသွားမှာ ဖြစ်တယ်လို့ သိရပါတယ်။ ကားပါကင်စနစ်တွေ၊ ပါကင်ကြေးကောက်ခံမယ့် နှုန်းထားတွေနဲ့ ပတ်သက်လို့ ကုမ္ပဏီတွေရဲ့ တင်ဒါလျှောက်ထားမှုတွေမှာ ဖော်ပြပါရှိမှာဖြစ်ပြီး ဒီအပေါ်မှာ ရွေးချယ်ဆုံးဖြတ်သွားဖို့ ရှိနေတယ်လို့လည်း ဆိုပါတယ်။တင်ဒါခေါ်တာနဲ့ ခေါ်ပြီးချိန်  လုပ်ငန်းစဉ်တွေနဲ့ ပတ်သက်လို့ အများပြည်သူကို ပွင့်လင်းမြင်သာစွာ ချပြပေးသွားမယ်လို့လည်း သိရပါတယ်။ တင်ဒါခေါ်ယူရာမှာ Smart Car Parking လုပ်ကိုင်ဖို့ လျှောက်ထားတဲ့ ကုမ္ပကီတွေရဲ့ (Presentation)တွေကို ကြည့်ကာ အမှတ်ပေးပြီး ရွေးချယ်ဆုံးဖြတ်တာတွေကို စိစစ်ရေးအဖွဲ့ကပဲ လုပ်ဆောင်သွားမှာဖြစ်တယ်လို့ သိရပါတယ်။ ပြီးခဲ့တဲ့ မတ်လအတွင်း ပထမအကြိမ်တုန်းက (EOI) အဆိုပြုလွှာတင်ထားတဲ့ ကုမ္ပဏီ(၁၈)ခုရှိခဲ့ပါတယ်။ 

 

 

Related News