မြန်မာနိုင်ငံ၏ အရေးကြီးဆုံးအသက်သွေးကြောဖြစ်သည့် ဧရာဝတီမြစ်ရေရှည်တည်တံ့စေရန်အတွက် ကမ္ဘာ့ဘဏ်အထောက်အပံ့ဖြင့် ထိန်းသိမ်းသွားမယ်လို့ မေလ(၂၁)ရက်က နေပြည်တော်မှာရှိတဲ့ ဒုတိယအကြိမ် အမျိုးသားလွှတ်တော် (၁၂) ကြိမ်မြောက် ပုံမှန်အစည်းအဝေးအဋ္ဌမနေ့မှာ ပို့ဆောင်ရေးနှင့်ဆက်သွယ်ရေးဝန်ကြီးဌာန ဒုတိယ၀န်ကြီးရဲ့ပြောကြားချက်အရ သိရပါတယ်။မြန်မာနိုင်ငံ၏ အရေးကြီးဆုံးအသက်သွေးကြောဖြစ်သည့် ဧရာဝတီမြစ်အား ရေရှည်တည်တံ့စေရန်အတွက် ကမ္ဘာ့ဘဏ်အထောက်အပံ့ဖြင့် ထိန်းသိမ်းသွားရန်အစီအစဉ်ရှိမရှိ မေးခွန်းကို ကယားပြည်နယ် မဲဆန္ဒနယ် အမှတ်(၉)မှ အမျိုးသားလွှတ်တော် ကိုယ်စားလှယ် ဦးစိုးသိန်းက မေးမြန်းခဲ့တာပါ။

ဧရာဝတီမြစ်ပေါ်မှာလူသန်းပေါင်းများစွာတို့ရဲ့ အသက် မွေးဝမ်းကျောင်းလုပ်ငန်းကိုမှီခိုအားထားနေရပြီးအမေရိကန်ဒေါ်လာ (၂.၆)ဘီလီယံကို မြန်မာ့Economy မှ နှစ်တိုင်း ရရှိနေတယ်လို့ သိရပါတယ်။ အဲ့ဒါကြောင့် ဧရာဝတီမြစ်ကြီးကို ရေရှည်တည်တံ့စေရန် အထူးလိုအပ်တာကြောင့် ကမ္ဘာ့ဘဏ်မှ ကနဦးချေးငွေ အမေရိကန်ဒေါ်လာသန်း(၁၀၀)ကို ခွင့်ပြုသုံးစွဲနေပြီဖြစ်သလို ဆက်လက်ပြီး တစ်ဆင့်ပြီးတစ်ဆင့် ထိန်းသိမ်းနိုင်ဖို့ ကမ္ဘာ့ဘဏ်ရဲ့ အကူအညီရရှိရန် လိုအပ်တယ်လို့ အမျိုးသားလွှတ်တော် ကိုယ်စားလှယ် ဦးစိုးသိန်းက ပြောပါတယ်။

အမျိုးသားလွှတ်တော်ကိုယ်စားလှယ် ဦးစိုးသိန်းရဲ့ကြယ်ပွင့်ပြမေးခွန်းကို ပို့ဆောင်ရေးနှင့်ဆက်သွယ်ရေးဝန်ကြီးဌာန ဒုတိယ၀န်ကြီး ဦးကျော်မျိုးက ပြန်လည်ဖြေကြားခဲ့ပါတယ်။ ကမ္ဘာ့ဘဏ်၏အထောက်အပံ့ဖြင့်ထိန်းသိမ်းထားရန်အတွက် စီမံကိန်းနောက်အဆင့်များ ဆောင်ရွက်နိုင်ရေး တင်ပြညှိ နှိုင်းဆောင်ရွက်သွားမည်ဖြစ်ကြောင်း သိရပါတယ်။ ဒါ့အပြင် အခြားနိုင်ငံအဖွဲ့အစည်းတွေ၏ အကူအညီဖြင့် ဆောင်ရွက်နိုင်မည့် မြစ်ကြောင်းဖွံ့ဖြိုးရေး၊ သဲနုန်းပို့ချမှုလေ့လာရေး၊ ရေအရည်အသွေးလေ့လာဆန်းစစ်ခြင်းလုပ်ငန်းများကို လေ့လာသွားမှာဖြစ်ကြောင်းပြောကြားခဲ့ပါတယ်။

ဧရာဝတီမြစ်ဝှမ်းဘက်စုံခန့်ခွဲမှုစီမံကိန်းကို ကမ္ဘာ့ဘဏ်ချေးငွေ အမေရိကန်ဒေါ်လာ သန်း(၁၀၀)ဖြင့် (၅) နှစ်စီမံကိန်းအဖြစ် (၂၀၁၅)ခုနှစ် အောက်တိုဘာလမှ စတင်အကောင်အထည်ဖော်ခဲ့ရာ(၂၀၂၀)ခုနှစ် စက်တင်ဘာလမှာ စီမံကိန်းကာလ ပြီးဆုံးသွားမယ်လို့သိရပါတယ်။

 

Related News