ပြည်တွင်းကိုယခု(၂၀၁၉)ခုနှစ်ဇန်န၀ါရီလကနေ ဧပြီလအထိ လေးလတာကာလအတွင်း နိုင်ငံတကာခရီးသွား ပြည်ပဧည့်သည်(၁.၅)သန်းကျော်ဝင်ရောက်ထားတယ်လို့ ဟိုတယ်နှင့်ခရီးသွားလာရေးဝန်ကြီးဌာန ပြည်ထောင်စုဝန်ကြီး ဦးအုန်းမောင်ကမေလ(၂၁) ရက်ကနေပြည်တော်မှာရှိတဲ့ ပြန်ကြားရေးဝန်ကြီးဌာနရုံး မှာပြုလုပ်ခဲ့တဲ့ နိုင်ငံတော်အစိုးရ၏ပြည်သူ့ အတွက် တတိယတစ်နှစ်တာကာလအတွင်း ဆောင်ရွက်ခဲ့မှုများနှင့် ပတ်သက်တဲ့ သတင်းစာရှင်းလင်းပွဲမှာပြောကြားခဲ့တာပါ။ ယခုနှစ်လေးလတာကာလအတွင်းပြည်တွင်းကိုဝင်ရောက်ခဲ့တဲ့ နိုင်ငံတကာခရီးသွား ပြည်ပဧည့်သည် အရေအတွက်ဟာ (၁၅၀၂၄၀၄)ဦး ရှိခဲ့ပြီးခဲ့တဲ့ (၂၀၁၈)ခုနှစ် ကာလတူနဲ့ နှိုင်းယှဉ်ပါက  (၂၃) ရာခိုင်နှုန်းတိုးလာတယ်လို့သိရပါတယ်။ 

ယခုလိုနိုင်ငံတကာခရီးသွား ပြည်ပဧည့်သည် များပိုမိုတိုးတက်ဝင်ရောက်လာတာဟာ နိုင်ငံအချို့အပေါ် ဗီဇာလုပ်ထုံးလုပ်နည်းဖြေလျော့ပေးမှုတွေ၊ ခရီးသွားလုပ်ငန်းမြှင့်တင်နိုင်ရေးအတွက် နိုင်ငံတကာခရီးသွားပြပွဲတွေမှာ ၀င်ရောက်ပြသနိုင်ခဲ့တာတွေကြောင့်ဖြစ်တယ်လို့ဟိုတယ်နှင့်ခရီးသွားလာရေး ၀န်ကြီးဌာန ပြည်ထောင်စုဝန်ကြီး ဦးအုန်းမောင်ပြောပါတယ်။ဟိုတယ်နှင့်ခရီးသွားလာရေးဝန်ကြီးဌာနအနေနဲ့  ခရီးသွားလုပ်ငန်းကဏ္ဍဖွံ့ဖြိုးတိုးတက်စေရေးအတွက်  တစ်နိုင်ငံလုံးလွှမ်းခြုံနိုင်မည့် ခရီးသွားလုပ်ငန်းပင်မစီမံကိန်း (၂၀၂၀-၂၀၂၅)ကို သက်ဆိုင်ရာဝန်ကြီးဌာနများ၊ တိုင်းဒေသကြီးနဲ့ ပြည်နယ်များ၊ အဖွဲ့အစည်းများနှင့်ပူးပေါင်းရေးဆွဲလျက်ရှိပြီး တိုင်းဒေသကြီးနဲ့ ပြည်နယ်များရှိ ခရီးစဉ်ဒေသများ၊ပွဲတော်များ၊ အခြေခံအဆောက်အဦးများနှင့်ပတ်သက်တဲ့သတင်းအချက် အလတ် တွေကို စုစည်းခြင်းတွေဆောင်ရွက်နေတယ်လို့ သိရပါတယ်။

မြန်မာနိုင်ငံကို ပြီးခဲ့တဲ့ (၂၀၁၇)တစ်နှစ်လုံး နိုင်ငံတကာခရီးသွား ပြည်ပဧည့်သည်(၃.၄၄)သန်းကျော် နဲ့ (၂၀၁၈)တစ်နှစ်လုံး နိုင်ငံတကာခရီးသွား ပြည်ပဧည့်သည် (၃.၅၅)သန်းကျော် ၀င်ရောက်ခဲ့တယ်လို့သိရပါ တယ်။

 

Related News