ခရီးသွားလုပ်ငန်းဆိုင်ရာ အငယ်စား၊ အသေးစား၊ အလတ်စားလုပ်ငန်းတွေအတွက် ချေးငွေရရှိနိုင်ဖို့ မြန်မာနိုင်ငံခရီးသွားဘဏ် ကလည်း ငွေထုတ်ချေးပေးနိုင်ဖို့စီစဉ်နေတယ်လို့ သိရပါတယ်။ ခရီးသွားလုပ်ငန်းဆိုင်ရာ အငယ်စား၊အသေးစား၊အလတ်စားလုပ်ငန်းတွေအတွက် ငွေချေးပေးနိုင်ဖို့ကို သက်ဆိုင်ရာဘဏ်တွေနဲ့ ပူးပေါင်းပြီးလွန်ခဲ့တဲ့ (၂)နှစ်ကျော်ထဲကဆွေးနွေးခဲ့ပြီး လက်ရှိမှာတော့ ရိုးမဘဏ်၊မြန်မာ့ရှေ့ဆောင်ဘဏ် တွေကချေးငွေတွေကိုထုတ်ချေးပေးနေတယ်လို့သိရပါတယ်။ မြန်မာနိုင်ငံခရီးသွားဘဏ်အနေနဲ့ ချေးငွေထုတ်ချေးပေးနိုင်ဖို့ကိုတော့ MSME Development Subcommittee နဲ့ မြန်မာနိုင်ငံခရီးသွားဘဏ်တို့ဆွေးနွေးမှုတွေပြုလုပ်နေတယ်လို့ သိရပါတယ်။ ဒီလိုဆွေးနွေးမှုတွေပြုလုပ်နေပြီး ထုတ်ချေးမယ့် ပမာဏ၊အတိုးနှုန်းစတာတွေကို အတည်ပြုပြီးရင်တော့ ထုတ်ပြန်ကြေငြာပေးသွားမယ်လို့သိရပါတယ်။

မြန်မာနိုင်ငံမှာ ခရီးသွားလုပ်ငန်းအားလုံးရဲ့ (၉၀)ရာခိုင်နှုန်းကျော်ဟာ အငယ်စား၊အသေးစား၊အလတ်စားလုပ်ငန်းတွေဖြစ်တာကြောင့် ဘဏ္ဍာငွေရရှိဖို့ကလည်း လိုအပ်နေတယ်လို့သိရပါတယ်။ရိုးမဘဏ်အနေနဲ့ကတော့ အပေါင်ပစ္စည်းမလိုဘဲထုတ်ချေးပေးနေတာဖြစ်ပြီး ခရီးသွားလုပ်ငန်းဆိုင်ရာ အငယ်စား၊အသေးစား၊အလတ်စားလုပ်ငန်းတွေအတွက် ချေးငွေကျပ်သန်းပေါင်း (၂၀၀)ထိထုတ်ချေးပြီးဖြစ်တယ်လို့ သိရပါတယ်။ 

မြန်မာ့ရှေ့ဆောင်ဘဏ်အနေနဲ့ အကြွေးဝယ်ကတ်စနစ်နဲ့ ငွေကျပ်သန်းပေါင်း(၃၈၀)လောက်ထုတ်ချေးပြီး ဖြစ်တယ်လို့မြန်မာနိုင်ငံခရီးသွားလုပ်ငန်းရှင်များအသင်းမှသိရပါတယ်။ 

 

Related News