သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန အနေနဲ့ ပြည်တွင်းမှာ ဆင်စခန်းအခု (၂၀)ကို  ဖွင့်လှစ်ထား ပြီးဖြစ်တယ်လို့ မေလ(၂၁) ရက်က နေပြည်တော်ရှိ ပြန်ကြားရေးဝန်ကြီးဌာနရုံးမှာ ပြုလုပ်ခဲ့တဲ့  နိုင်ငံတော်အစိုးရ၏ပြည်သူ့ အတွက် တတိယတစ်နှစ်တာ ကာလအတွင်း ဆောင်ရွက်ခဲ့မှုများနှင့် ပတ်သက်တဲ့ သတင်းစာရှင်းလင်းပွဲက သိရပါတယ်။ပြည်တွင်းမှာ သစ်တောပြုန်းတီးမှုတွေကို ကာကွယ်ဖို့အတွက် ရည်ရွယ်ပြီး  တစ်နိုင်ငံလုံးမှာ သစ်ထုတ်လုပ်ခြင်း၊ လျှော့ချခြင်း အပါအ၀င် ပဲခူးရိုးမအတွင်း သစ်ထုတ်လုပ်ခြင်းကို (၁၀)နှစ်ရပ်နားလိုက်တာပါ။

သစ်ထုတ်လုပ်ခြင်းတွေ လျှော့ချလိုက်တဲ့ အတွက် ဆင်ဝန်ထမ်းတွေ အလုပ်အကိုင်အခွင့်အလမ်းရရှိစေရန်နဲ့ ပြည်သူများစိတ်အပန်းဖြေစေရန် ရည်ရွယ်ပြီး ဆင်ထိန်းသိမ်းစောင့်ရှောက်ခြင်း အခြေခံသော ခရီးသွားလုပ်ငန်းများဖွံ့ဖြိုးတိုးတက်လာစေရန်အတွက် ပြည်တွင်းမှာ ဆင်စခန်းများကို ဖော်ဆောင်ခဲ့တာလို့ သယံဇာတနှင့်သဘာဝ ပတ်ဝန်းကျင်ထိန်းသိမ်းရေးဝန်ကြီးဌာန အမြဲတမ်းအတွင်းဝန် ဦးခင်မောင်ရီက ပြောပါတယ်။ 

သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန အနေနဲ့ ဆင်စခန်းများကို ၂၀၁၆-၂၀၁၇ ဘဏ္ဍာနှစ်မှ စတင်ပြီး တိုးချဲ့ဖွင့်လှစ်ခဲ့ရာ နိုင်ငံတော်အစိုးရ၏ပြည်သူ့အတွက် ဒုတိယတစ်နှစ်တာကာလမှာတော့ ဆင်စခန်း(၁၂)ခု ဖွင့်လှစ်နိုင်ခဲ့ ပြီး ယခု တတိယတစ်နှစ်တာကာလအတွင်းမှာတော့ ဆင်စခန်း(၈)ခုကို တိုးချဲ့ဖွင့်လှစ်နိုင်ခဲ့တာကြောင့် ပြည်တွင်းမှာ ဆင်စခန်းအခု(၂၀)ခုအထိ ရှိသွားပြီလို့ သိရပါတယ်။ ဒါ့အပြင်လုပ်ငန်းသဘောသဘာဝနဲ့ ကိုက်ညီတဲ့ နေရာတွေမှာ ဆင်စခန်းတွေကို ထပ်မံတိုးချဲ့ဖွင့်လှစ်သွားမယ်လို့ သိရပါတယ်။

နိုင်ငံတော်အစိုးရအနေနဲ့ သစ်ထုတ်လုပ်မှုများကို လျှော့ချခဲ့ရာ  ယခု၂၀၁၈-၂၀၁၉ ဘဏ္ဍာနှစ်အတွင်းမှာတော့ နှစ်စဉ်တောထွက်ပမာဏ၏ ကျွန်းသစ် (၃၉)ရာခိုင်နှုန်းနဲ့ သစ်မာ(၂၇)ရာခိုင်နှုန်းတို့ကိုသာ ထုတ်လုပ်ခဲ့တယ်လို့ သိရပါတယ်။

 

 

Related News