မကွေးတိုင်းဒေသကြီးအတွင်းမှာရှိတဲ့ ကျောက်ခွက်နှင့် လက်ပံတိုရေနံမြေများကို 3Dဆိုက်စမစ် တိုင်းတာခြင်းလုပ်ငန်း များကို ဆောင်ရွက်လျက်ရှိတယ်လို့ ဇွန်လ(၁၃)ရက်က နေပြည်တော်ရှိ လျှပ်စစ်နှင့် စွမ်းအင်ဝန်ကြီးဌာနရုံးမှာ ပြုလုပ်ခဲ့တဲ့ လျှပ်စစ်နှင့်စွမ်းအင်ဝန်ကြီးဌာနပုံမှန်သတင်းစာရှင်းလင်းပွဲက သိရပါတယ်။မကွေးတိုင်းဒေသကြီးအတွင်းရှိ ကျောက်ခွက်နှင့်လက်ပံတိုရေနံမြေများကို 3Dဆိုက်စမစ် တိုင်းတာခြင်းလုပ်ငန်းများကို ဆောင်ရွက်ခြင်းဖြင့် သဲကြောများမှ ရေနံနှင့်သဘာဝဓာတ်ငွေ့များ ပိုမိုရှာဖွေထုတ်လုပ်နိုင်ခြင်း၊အခြားအလားအလာကောင်းတဲ့ မျှော်လင့်ချက်တွေလည်းထပ်မံတွေ့ရှိနိုင်တာကြောင့်ယခုလို 3Dဆိုက်စမစ်  တိုင်းတာရခြင်းဖြစ်တယ်လို့ မြန်မာ့ရေနံနှင့်သဘာဝဓာတ်ငွေ့လုပ်ငန်း ဘူမိရူပဗေဒ အရာရှိချုပ် ဦးမြင့်အုံးကပြောပါတယ်။ 

ကျောက်ခွက်နှင့်လက်ပံတိုရေနံမြေများကို 3Dဆိုက်စမစ် တိုင်းတာခြင်းလုပ်ငန်းများကို မြန်မာ့ရေနံနှင့်သဘာဝဓာတ်ငွေ့လုပ်ငန်း ဆိုက်စမစ်တိုင်းတာရေးအဖွဲ့ (၁)၊(၂)တို့နဲ့အတူ ၀န်ဆောင်မှုကုမ္ပဏီအဖြစ် Sinopec International Petroleum Service Corp; တို့နဲ့ ပူးပေါင်းဆောင်ရွက်သွားမယ်လို့သိရပါတယ်။

3D ဆိုက်စမစ် တိုင်းတာခြင်းလုပ်ငန်းများကို လက်ပံတိုရေနံမြေဧရိယာမှာ (၁၂၅)စတုရန်း ကီလိုမီတာနဲ့ ကျောက်ခွက်ရေနံမြေမှ(၉၀) စတုရန်းကီလိုမီတာတို့ကို တိုင်းတာသွားမယ်လို့ သိရပါတယ်။ ဆိုက်စမစ်တိုင်းတိုင်းတာရေးလုပ်ငန်းများကို လက်ရှိအချိန်မှာတော့ စတင်ဆောင်ရွက်နေပြီဖြစ်ကာ မြေပြင်တိုင်းတာခြင်း လုပ်ငန်းကို(၂၀၁၉) မေလ(၈) ရက်မှာလုပ်ဆောင်တာဖြစ်ပြီး  ဆိုက်စမစ်တွင်းတူခြင်းလုပ်ငန်းကို မေလ(၂၀)ရက်ကစတင်ပြီး ဆောင်ရွက်နေပြီလို့သိရပါတယ်။ ယခု 3Dဆိုက်စမစ် တိုင်းတာခြင်း လုပ်ငန်းများကို ဆောင်ရွက်သွားမယ့် ရေနံမြေနှစ်ခုထဲက တစ်ခုဖြစ်တဲ့လက်ပံတိုရေနံမြေကို လွန်ခဲ့တဲ့ (၁၉၇၄) ခုနှစ်က2Dဆိုက်စမစ်တိုင်းတာခြင်းလုပ်ငန်းများဆောင်ရွက်ခဲ့တယ်လို့သိရပါတယ်။ 

 

 

Related News