လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ လူမှုဝန်ထမ်းဦးစီးဌာန လက်အောက်ရှိ နားမကြားသောကလေးများကျောင်း(ရန်ကုန်)မှာ လက်သင်္ကေတပြ ဆရာ၊ဆရာမတွေလိုအပ်နေတယ်လို့ သိရပါတယ်။ လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ လူမှုဝန်ထမ်းဦးစီးဌာန လက်အောက်ရှိ နားမကြားသောကလေးများကျောင်း(ရန်ကုန်)ကို (၂၀၁၄)ခုနှစ် ဇွန်လက စတင်ဖွင့်လှစ်ခဲ့ပြီး အသက်(၆)နှစ်မှ (၁၈)နှစ်အတွင်းကျန်းမာသန်စွမ်းပြီး နားမကြားတဲ့ကလေးတွေကို လက်ခံသင်ကြားပေးနေတယ်လို့ သိရပါတယ်။     

နားမကြားသောကလေးများကျောင်း (ရန်ကုန်)မှာ အဆောင်နေကျောင်းသား၊ကျောင်းသူ(၈၀)ဦးနဲ့ နေ့သွားညပြန် ကျောင်းသားကျောင်းသူ(၃၃)ဦးစုစုပေါင်းကျောင်းသား၊ကျောင်းသူ(၁၁၃)ဦး ရှိပါတယ်။ ရုံးတွင်းဝန်ထမ်းအယောက်(၃၀)ရှိပြီ့း ကျောင်းသားကျောင်းသူ (၁၁၃)ဦးအတွက်လက်သင်္ကေတနဲ့စာသင်ကြားနိုင်တဲ့ ဆရာ၊ဆရာမကတော(၁၀)ယောက်သာရှိတယ်လို့သိရပါတယ်။ 

ဆရာ၊ဆရာမတွေကတော့ ကျောင်းသား၊ကျောင်းသူတွေကို စာသင်ကြားရာမှာ ဆရာ၊ဆရာမတစ်ဦးကနေ ဘာသာအလိုက်သင်ကြားရတာရှိသလို ဆရာ၊ ဆရာမတစ်ဦးကနေ ဘာသာစုံသင်ကြားရတာတွေလည်းရှိနေတယ်လို့ သိရပါတယ်။ဒါ့ကြောင့် လက်သင်္ကေတပြ ဆရာ၊ ဆရာမဦးရေတိုးလာရင်တော့ အဆင်ပြေမှုရှိပိုရှိလာနိုင်တယ်လို့ပြောပါတယ်။ကျောင်းသား၊ကျောင်းသူတွေကတော့ လက်ရှိစာသင်ကြားမှုကအဆင်ပြေပေမယ့် ဆရာ၊ဆရာမတစ်ဦးကိုတစ်ဘာသာနှုန်းနဲ့ ဆရာ၊ဆရာမ များများနဲ့သင်ရင်ပိုအဆင်ပြေနိုင်တယ်လို့ပြောပါတယ်။

လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ လူမှုဝန်ထမ်းဦးစီးဌာန လက်အောက်ရှိ နားမကြားသော ကလေးများကျောင်း(ရန်ကုန်)ရဲ့ အခြေခံပညာမှုလတန်းအဆင့်မှာ မြန်မာလက်သင်္ကေတ၊ လက်စာလုံးပေါင်း၊ နှုတ်ဖတ်စကား ပြောနဲ့ အသံထွက်လေ့ကျင့်ခြင်းတို့ကိုသင်ကြားပေးနေတယ်လို့သိရပါတယ်။

 

 

Related News