(၂၀၂၀)ခုနှစ် အထွေထွေရွေးကောက်ပွဲမှာ သတင်းမီဒီယာသမားတွေ အောက်ခြေရွေးကောက်ပွဲ ကော်မရှင်အဆင့်ဆင့်အထိ ဥပဒေနဲ့အညီ လွတ်လပ်စွာသတင်းရယူနိုင်ဖို့ ပြည်ထောင်စုရွေးကောက်ပွဲကော်မရှင်နဲ့ တွေ့ဆုံညှိနှိုင်းသွားမယ်လို့ မြန်မာနိုင်ငံသတင်း မီဒီယာကောင်စီထံက သိရပါတယ်။လာမယ့် ဇူလိုင်လ(၂၃)ရက် နေပြည်တော်မှာတွေ့ဆုံမှာဖြစ်ပြီး သဘောတူညီချက်ရနိုင်ဖို့ မျှော်မှန်းထားတယ်လို့ ပြောပါတယ်။ သတင်းမီဒီယာကောင်စီအနေနဲ့ သတင်းသမားတွေ သတင်းအချက်အလက် ရရှိနိုင်ရေးနဲ့ပတ်သက်ပြီး အုပ်ချုပ်ရေး၊ ဥပဒေပြုရေး၊ တရားစီရင်ရေးမဏ္ဍိုင်တွေနဲ့ တွေ့ဆုံဆွေးနွေးခဲ့ပြီးနောက် လက်ရှိ ရန်ကုန်တိုင်းဒေသကြီးအစိုးရအဖွဲ့ရဲ့ လစဉ်ပုံမှန်မီဒီယာ တွေ့ဆုံပွဲတွေ ဖြစ်ပေါ်လာတာဖြစ်ပါတယ်။ ဒါ့အပြင် အုပ်ချုပ်ရေးပိုင်းဆိုင်ရာတွေဘက်ကလည်း သတင်းအချက်အလက် ဖြေကြားရာမှာ ယုံကြည်မှု ရှိစေဖို့ သတင်းမီဒီယာတိုက်အလိုက် သတင်းသမားတွေရဲ့စာရင်းနဲ့ ဖုန်းနံပါတ်တွေကို တောင်းထားပြီး ဒါကို အမြန်ဆုံး ဆောင်ရွက် နေတယ်လို့ သိရပါတယ်။


ဒါ့အပြင် သတင်းမီဒီယာသမားတွေ သတင်းရယူဖော်ပြမှုနဲ့ပတ်သက်ပြီး ရာဇသတ်ပုဒ်မတွေနဲ့ တိုက်ရိုက်အမှုဖွင့် အရေးယူတာတွေမလုပ်ဖို့လည်း သတင်းမီဒီယာကောင်စီအနေနဲ့ ဆက်လက်တိုက်တွန်းဆောင်ရွက်မှာဖြစ်တယ်လို့ပြောပါတယ်။ မူလသဘောတူထားတဲ့အတိုင်း သတင်းမီဒီယာကောင်စီကို အကြောင်းကြားကာ သတင်းမီဒီယာဥပဒေနဲ့အညီ အရေးယူဖို့နဲ့ မကျေနပ်မှသာအမှုဖွင့်အရေးယူဖို့ဖြစ်တယ်လို့ ဥက္ကဋ္ဌ ဟံသာဝတီဦးအုန်းကြိုင်က ပြောပါတယ်။ပြန်ကြားရေးဝန်ကြီးဌာနရဲ့အချက်အလက်တွေအရ ပြည်တွင်းမှာ (၂၀၁၉)ခုနှစ် မေလကုန်အထိ သတင်းစာ(၂၅)စောင် ၊ ဂျာနယ်အစောင်(၁၇၀)၊ မဂ္ဂဇင်းအစောင်(၁၂၀)နဲ့ သတင်းအေဂျင်စီ (၁၉၂)ခု တရားဝင်လုပ်ကိုင်နေတယ်လို့သိရပါတယ်။ သတင်းသမားအရေအတွက် ကတော့ တိကျတဲ့အချက်အလက်တွေ စုစည်းထားနိုင်ခြင်းမရှိသေးပါဘူး။

 

 

 

Related News