လက်တစ်ဖက်ကမ်းကြမယ်ပရဟိတအဖွဲ့ကဦးစီးပြီး မိုးရာသီသစ်ပင်စိုက်ပွဲတော် ၂၀၁၉ ကို ဇူလိုင်လ(၁၁)ရက်က ရန်ကုန်အရှေ့ပိုင်းတက္ကသိုလ်(တာဝ)မှာ ပြုလုပ်ခဲ့ပါတယ်။လက်တစ်ဖက်ကမ်းကြမယ်ပရဟိတအဖွဲ့အနေနဲ့ မိုးရာသီသစ်ပင်စိုက်ပွဲတော်ပြုလုပ်ရတာက သဘာဝပတ်ဝန်းကျင်ကို ထိန်းသိမ်းဖို့၊စိမ်းလန်းစိုပြေဖို့၊ ၊ တက္ကသိုလ်ဝန်းအတွင်း ပန်းအလှများဝေဆာကာ အရိပ်ရစေဖို့ စတဲ့ရည်ရွယ်ချက်တွေနဲ့ ပြုလုပ်ခဲ့တာဖြစ်တယ်လို့သိရပါတယ်။မိုးရာသီသစ်ပင်စိုက်ပွဲတော်မှာ ပိတောက်၊ကံ့ကော်၊စိန်ပန်း၊ငုဝါ၊သရက်၊စွယ်တော်၊ကျွန်း၊ဗာဒံ၊မန်ဂျန်ရှား အစရှိတဲ့ သစ်ပင်ပေါင်း(၅၀၀)ကျော်ကို စိုက်ပျိုးခဲ့တာဖြစ်ပါတယ်။သစ်ပင်များစိုက်ပျိုးရာမှာ ယခင်ကအပင်ငယ်များ စိုက်ပျိုးခဲ့ခြင်းနဲ့ စိုက်ပျိုးတဲ့အပင်ရဲ့အကြောင်းနဲ့စိုက်ပျိုးပုံအကြောင်း နားမလည်ခဲ့တာကြောင့် အပင်များရှင်သန်မှု နည်းပါးခဲ့တယ်လို့ သိရပါတယ်။ဒါကြောင့် ယခုစိုက်ပျိုးရာမှာ (၅)ပေအထက်ရှိ အပင်ကြီးအမျိုးအစားတွေကိုသာ  စိုက်ပျိုးခဲ့သလို ရေလောင်း၊ပေါင်းသင်၊မြေသြဇာပုံမှန်ပြုစုရေးအစီအစဉ်တွေလည်း ဆက်လက်ပြီး လုပ်ဆောင်သွားမယ်လို့သိရပါတယ်။မိုးရာသီသစ်ပင်စိုက်ပွဲတော်၂၀၁၉ မှာ သစ်ပင်စိုက်ပျိုးမှုအပြင် ရန်ကုန်အရှေ့ပိုင်းတက္ကသိုလ်မှ ကျောင်းသား/ကျောင်းသူတွေရဲ့ တစ်ခန်းရပ် ပြဇာတ်တို၊တိုင်းရင်းသားရိုးရာအကအလှ၊တေးသီချင်းတွေနဲ့ ဖျော်ဖြေခဲ့ကြတယ်လို့သိရပါတယ်။

 

 

Related News