ဇူလိုင်လ(၁၆)ရက်ဟာ ဗုဒ္ဓဘာသာဝင်တို့ရဲ့အထွဋ်အမြတ်ထားရာဝါဆိုလပြည့်နေ့ ဖြစ်တာကြောင့် သီရိမင်္ဂလာကမ္ဘာအေးစေတီ တော်မှာ ၀ါဆိုလပြည့်(ဓမ္မစကြာအခါတော်)နေ့နှင့်ရုပ်ပွားတော်မြတ်ကြီးအား ၀ါဆိုသင်္ကန်းဆပ်ကပ်လှူဒါန်းပွဲပြုလုပ်ခဲ့တယ်လို့ သိရပါတယ်။ဝါဆိုလပြည့်နေ့ဟာ ဘုရားလောင်းပဋိသန္ဓေတည်တဲ့နေ့၊ဘုရားလောင်းတော် သိဒ္ဓတ္တမင်းသားတောထွက်တော် မူတဲ့နေ့လည်း ဖြစ်သလို ဘုရားဖြစ်တော်မူပြီးတဲ့နောက် ပဉ္စဝဂ္ဂီ (၅) ပါးတို့ကို ဓမ္မစကြာတရားဦးဟော ကြားတော်မူတဲ့ နေ့ထူးနေ့မြတ်လည်း ဖြစ်ပါတယ်။ ဒါကြောင့် ၀ါဆိုလပြည့်နေ့ကို ဓမ္မာစကြာအခါတော်နေ့ လို့လည်းခေါ်ဆိုသတ်မှတ်ထားကြပြီး ၀ါဆိုလပြည့်နေ့မှာ ဗုဒ္ဓဘာသာဝင်တွေဟာ ၀ါဆိုပန်းကပ်လှူတာ၊ ၀ါဆိုသင်္ကန်းကပ်လှူတာ၊ လှူဖွယ်ဝတ္တုအစုစုကိုလှူဒါန်း ကုသိုလ်ပြုကြတာ၊ ၀ါတွင်းဥပုသ်သီတင်းဆောက် တည်တာအပြင်ဘုရားသွား အလှူပြုတာတွေ၊ကုသိုလ်ပြုတာတွေလုပ်ဆောင်ခဲ့ကြပါတယ်။

ဝါဆိုလပြည့်နေ့(ဓမ္မစကြာအခါတော်နေ့) သီရိမင်္ဂလာကမ္ဘာအေးစေတီတော်မြတ်ကြီးမှာမနက်ပိုင်းကတည်းကသီလခံယူပွဲ၊ သီရိမင်္ဂလာကမ္ဘာအေးစေတီတော်ရှိဝတ်အဖွဲ့တွေရဲ့ ဓမ္မစကြာရွတ်ဖတ်ပူဇော်ပွဲနဲ့ စေတီတော်ကြီးကိုလက်ယာရစ်လှည့်လည်ပြီး စေတီတော်အတွင်းမှာရှိတဲ့ရုပ်ပွားတော်(၈)ဆူကိုပိုးဖဲသင်္ကန်းတော်များဆပ်ကပ်လှူဒါန်းခဲ့တယ်လို့သိရပါတယ်။ ယခုနှစ်ဝါဆိုလပြည့်နေ့မှာ သီရိမင်္ဂလာကမ္ဘာအေးစေတီတော်ကို ဘုရားဖူးလာရောက်သူတွေယခင်နှစ်ထက် များပြားခဲ့တယ်လို့ သိရပါတယ်။

 

 

 

Related News