မြန်မာနိုင်ငံအမျိုးသားလူ့အခွင့်အရေးကော်မရှင်ကို ပြီးခဲ့တဲ့ ၂၀၁၈ ခုနှစ်အတွင်း တိုင်တန်းချက် ၃၂၀၀ ကျော် ရရှိခဲ့တယ်လို့ မြန်မာနိုင်ငံ အမျိုးသားလူ့အခွင့်အရေးကော်မရှင်၏ ၂၀၁၈ ခုနှစ် နှစ်ပတ်လည် အစီရင်ခံစာနဲ့ စပ်လျဉ်းပြီး သက်ဆိုင်ရာ ပြည်ထောင်စုအဆင့် အဖွဲ့အစည်းဝင်က ဇူလိုင်လ(၁၇)ရက်က ပြုလုပ်ခဲ့တဲ့ ဒုတိယအကြိမ် ပြည်ထောင်စုလွှတ်တော်(၁၃)ကြိမ် မြောက် ပုံမှန်အစည်းအဝေးမှာ လွှတ်တော်သို့ ရှင်းလင်းတင်ပြစဉ် ထည့်သွင်းပြောကြားခဲ့တာပါ။ 

မြန်မာနိုင်ငံအမျိုးသားလူ့အခွင့်အရေးကော်မရှင် ဥက္ကဋ္ဌ ဦးဝင်းမြက ပြီးခဲ့တဲ့  ၂၀၁၈ခုနှစ်အတွင်း တိုင်တန်းချက်(၃၂၈၁)စောင် လက်ခံရရှိခဲ့ရာ  ဒီထဲကမှ (၁၀၄၂)မှုကို စုံစမ်းစစ်ဆေးရေးအဖွဲ့အစည်းအဝေးများထိုင်ပြီး သက်ဆိုင်ရာဌာနများသို့ အကြောင်း ကြားခြင်း၊ တိုင်တန်းသူများသို့ အကြောင်းကြားခြင်း၊ ကွင်းဆင်းစုံစမ်းစစ်ဆေးခြင်း၊ မှတ်တမ်းနှင့် ကာယကံရှင်အမှုပိတ်ခြင်းတွေ ဆောင်ရွက်ခဲ့တယ်လုိ့ သိရပါတယ်။

မြန်မာနိုင်ငံအမျိုးသားလူ့အခွင့်အရေးကော်မရှင်ကို ပြီးခဲ့တဲ့ ၂၀၁၈ ခုနှစ်အတွင်း တိုင်းတန်းချက်တွေထဲကနေ အကြောင်းပြန် ကြားပေးနိုင်ခဲ့တဲ့ (၁၀၄၂)မှုထဲကမှ မြေယာအငြင်းပွားမှုက (၂၅၅)မှုနဲ့ အများဆုံးဖြစ်တယ်လို့ သိရပါတယ်။ ဒုတိယအများဆုံးက ရဲမှုနဲ့ပတ်သက်ပြီး တိုင်တန်းချက် (၁၃၇)မှု၊ တတိယအနေနဲ့ တရားရေးနဲ့ပတ်သက်ပြီး တိုင်တန်းချက်(၁၂၅)မှု ရှိတယ်လို့ သိရပါတယ်။ ဒါ့အပြင်(၂၀၁၈) ခုနှစ်အတွင်း အကြောင်းပြန်ကြားပေးနိုင်ခဲ့တဲ့အထဲမှာ ရန်ကုန်တိုင်းဒေသကြီးက အများဆုံးဖြစ်ပြီး ဒုတိယအများဆုံးက မန္တလေးတိုင်းဒေသကြီးဖြစ်တယ်လို့ သိရပါတယ်။

မြန်မာနိုင်ငံအမျိုးသားလူ့အခွင့်အရေးကော်မရှင်ဟာ လက်ရှိမှာ အဖွဲ့ဝင်(၁၀)ဦးနဲ့ လုပ်ငန်းများကို ဆောင်ရွက်လျက်ရှိပါတယ်။ မြန်မာနိုင်ငံအမျိုးသားလူ့အခွင့်အရေးကော်မရှင်၏ ၂၀၁၈ ခုနှစ် နှစ်ပတ်လည်အစီရင်ခံစာနဲ့စပ်လျဉ်းပြီး  ဆွေးနွေးလိုတဲ့ လွှတ်တော် ကိုယ်စားလှယ်တွေအနေနဲ့ လာမယ့် ဇူလိုင်လ(၂၂)ရက် နောက်ဆုံးထားပြီး အမည်စာရင်းပေးပို့ဖို့ တောင်းခံထားတယ်လို့ သိရပါတယ်။

 

 

 

Related News