ဧရာဝတီမြစ်ရေဟာ မန္တလေးမှာ စိုးရိမ်ရေအမှတ်ကိုမရောက်ရှိသေးဘူးလို့ မိုးလေဝသနှင့်ဇလဗေဒညွှန်ကြားမှုဦးစီးဌာန၊ အထက်မြန်မာပြည်ခွဲမှ တာဝန်ရှိသူထံက သိရပါတယ်။ဧရာဝတီမြစ်ရေဟာ အထက်ပိုင်းကမြစ်ရေတက်လာတာတာကြောင့် သပိတ်ကျင်းမှာ မြစ်ရေသတိပေးချက်  ထုတ်ပြန်ပေးထားတယ်လို့ သိရပါတယ်။မန္တလေးဆိပ်ကမ်း ဧရာဝတီမြစ်ရေဟာ မှာ ဇူလိုင်လ(၁၇)ရက် နေ့လည်(၁၂)နာရီခွဲအချိန် တိုင်းတာချက်အရ (၁၁၄၄)စင်တီမီတာ ရှိနေတာဖြစ်ပြီး လက်ရှိမှာစိုးရိမ်ရေအမှတ် ရောက်ရှိဖို့အတွက် (၃)ပေခွဲခန့်လိုနေသေးတယ်လို့ သိရပါတယ်။ဧရာဝတီမြစ်ရေဟာ အတက်အကျရှိနေတာဖြစ်တာကြောင့် နောက်နေ့အထိခန့်မှန်းချက်တွေအရ တစ်ပေခွဲခန့်တက်နိုင်တယ်လို့ခန့်မှန်းထားကာ အမြင့်ဆုံးစိုးရိမ်ရေ အမှတ်ရောက်ရှိပါက စိုးရိမ်ရေအမှတ်ကိုသာ ကပ်သွားမယ်လို့ ခန့်မှန်းထားတယ်လို့သိရပါတယ်။

မြစ်ရေအခြေအနေနဲ့ အခုလိုဇူလိုင်လနဲ့သြဂုတ်လတွေမှာမိုးနည်းတာကြောင့် အထက်ပိုင်းတွေကမိုးရွာသွန်းမှုအခြေအနေကိုသာတွက်ချက်ပြီးမှသာ ထုတ်ပြန်နိုင်မှာဖြစ်တယ်လို့သိရပါတယ်။ အထက်ပိုင်းဖြစ်တဲ့ မြစ်ကြီးနား၊ မချမ်းဘော၊ ပူတာအိုဘက်တွေမှာ အရင်တစ်ပတ်ကမိုးရွာသွန်းမှုတွေကြောင့် မြစ်ရေတက်လာပေမယ့် ဧရာဝတီမြစ်မှာတော့ လက်ရှိမှာစိုးရိမ်အမှတ်အောက်မှာပဲ ရှိနေတယ်လို့ သိရပါတယ်။ မိုးလေဝသနှင့်ဇလဗေဒညွှန်ကြားမှုဦးစီးဌာနအနေနဲ့ မြစ်ရေအခြေအနေသတင်းတွေကို နာရီခြားအလိုက်သတင်းထုတ်ပြန်ပေးနေတယ်လို့သိရပါတယ်။၂၀၀၄ ခုနှစ်တုန်းကတော့ ဧရာဝတီမြစ်ရေဟာ မန္တလေးမှာ အမြင့်ဆုံးရေအမှတ်(၁၃၈၂)စင်တီမီတာထိရှိခဲ့တယ်လို့ မိုးလေဝသနှင့်ဇလဗေဒစခန်းတွေရဲ့ မှတ်တမ်းတွေအရသိရပါတယ်။

 

 

Related News