ရန်ကုန်မြို့တော်အတွင်းက လမ်းချဲ့လိုက်တဲ့လမ်းမတွေပေါ်မှာ ကျန်ရှိတဲ့ဓါတ်တိုင်တွေ ရွှေ့ပြောင်းတာနဲ့သစ်ပင်သစ်ကိုင်း ခုတ်ထွင် ရှင်းလင်းတာ တွေကို ရာခိုင်နှုန်းပြည့်လုပ်ဆောင်ဖို့ လိုအပ်နေပြီးဖြစ်ကြောင်း ရန်ကုန်မြို့တော်ဝန်က ပြောကြားခဲ့ပါတယ်။ရန်ကုန်မြို့တော်အတွင်းရှိ လမ်းမတွေပေါ်မှာ ဓါတ်တိုင်တွေရှိနေတာ၊ လမ်းချဲ့တဲ့အခါ ဓါက်တိုင်တွေကို အချိန်မီလိုက်မရွှေ့နိုင်တာ၊ လျှပ်စစ် ဓါတ်တိုင်တွေမှာ လျှပ်စစ်ဓါတ်ကြိုးတွေ ရှုပ်ထွေးနေတာ၊ ဓါတ်ကြိုးတွေပေါ် သစ်ပင်သစ်ကိုင်းတွေနဲ့ ရောယှက်ရှုပ်ထွေး နေတာစတဲ့ အခြေအနေ တွေနဲ့ပတ်သက်လို့  သက်ဆိုင်ရာဌာနမှူးတွေအနေနဲ့ ရာခိုင်နှုန်းပြည့်ရှင်းလင်း လုပ်ဆောင်ဖို့လိုအပ်နေပြီ ဖြစ်ကြောင်း ရန်ကုန်မြို့တော်ဝန်က ပြောကြားခဲ့တာဖြစ်ပါတယ်။ ရန်ကုန်မြို့တော်ဝန်နဲ့ JICA Myanmar Office နှင့်အတူ (Japanese School, Yangon)က 4th Grade အတန်းမှာ ပညာသင်ကြားနေတဲ့ ကျောင်းသူကျောင်းသားတွေနဲ့ တွေ့ဆုံပွဲအပြီးမှာ ပြောကြားခဲ့တာ ဖြစ်ပါတယ်။

တွေ့ဆုံပွဲမှာ (Japanese School, Yangon)ကျောင်းသူကျောင်းသားတွေအနေနဲ့ ရန်ကုန်မြို့မှာ လမ်းပြုပြင်ရေး၊ လျှပ်စစ်မီးလင်းရေး၊ ယာဉ်ကြောရှင်းလင်းရေး၊ အမှိုက်ရှင်းလင်းရေး စတဲ့ ကဏ္ဍတွေနဲ့ပတ်သက်လို့ ယိုယွင်းနေတဲ့ အခြေအနေတွေ၊ ဒီအခြေအနေတွေထက် ပိုမိုကောင်းမွန်အောင်လုပ်ဆောင်ဖို့ သူတို့ရဲ့တွေးခေါ် စိတ်ကူးထားတဲ့ စီမံကိန်းတွေကို တင်ပြခဲ့တာဖြစ်ပါတယ်။ ကျောင်းသူကျောင်းသားတွေ တင်ပြခဲ့တဲ့စီမံကိန်းတွေထဲ လမ်းပေါ်ဓါတ်တိုင်ကျန်ခဲ့ တာနဲ့ သစ်ပင်၊ သစ်ကိုင်း ခုတ်ထွင် ရှင်းလင်းတာတွေ လုပ်ဆောင်မှုအားနည်းနေသေးတဲ့ အခြေအနေတွေ ပါဝင်လာလို့ ရန်ကုန်မြို့တော်ဝန်က ခုလိုပြောခဲ့ တာလည်းဖြစ်ပါတယ်။ကျောင်းသူကျောင်းသားတွေကို ရန်ကုန်မြို့တော်ကို ပိုမိုကောင်းမွန်ပြီး လုံခြုံတဲ့မြို့တော်ကြီးဖြစ်ဖို့ ဘာတွေ လုပ်ဆောင်ဖို့ လိုအပ် မလဲဆိုတာ တွေနဲ့ ပတ်သက်လို့ တွေးခေါ်စဉ်စားနိုင်အောင် ပြီးခဲ့တဲ့ဧပြီလကတည်က စတင်သင်ကြား လုပ်ဆောင်ခဲ့တာ ဖြစ်တယ်လို့ သိရပါတယ်။

JICA Myanmar Office နှင့်အတူ (Japanese School, Yangon)က ကျောင်းသူကျောင်းသားတွေရဲ့ ရန်ကုန်မြို့ တော်နဲ့ပတ်သက်တဲ့ စီမံကိန်းတွေ ကိုတော့ ဇူလိုင်လ(၁၈)ရက်က မြို့တော်ဝန်က ဦးဆောင်ပြီး ဒုတိယမြို့တော်ဝန်၊ ရန်ကုန်မြို့တော် စည်ပင်သာယာရေးကော်မတီရဲ့ အတွင်းရေးမှူး၊ တွဲဖက်အတွင်းရေးမှူး၊ ကော်မတီဝင်(၆)၊ မြို့ပြစီမံကိန်းနှင့် မြေစီမံခန့်ခွဲမှုဌာန ဌာနမှူး၊ မြို့ပြစီမံကိန်းရဲ့ ဒုတိယဌာနမှူးတို့က လက်ခံတွေ့ဆုံ ခဲ့တာဖြစ်ပါတယ်။ ရန်ကုန်မြို့တော်ကို ပိုမိုကောင်မွန်ပြီး သန့်ရှင်း လှပလုံခြုံတဲ့ မြို့တော်ကြီးဖြစ်ဖို့အတွက် ပူးပေါင်းဆောင်ရွက် တယ်ဆိုတာရယ်၊ ဂျပန်နိုင်ငံရဲ့ ပညာရေးစနစ်ကို သိရှိစေဖို့ ရည်ရွယ် လုပ်ဆောင်ခဲ့တာဖြစ်တယ်လို့ သိရပါတယ်။ မြန်မာနိုင်ငံက အစိုးရမူလတန်း ကျောင်းတွေနဲ့ချိတ်ဆက်ပြီး ဒီကလေးတွေကို တွေးခေါ် စဉ်းစားတဲ့အလေ့အကျင့်ဖြစ်အောင် ပူးပေါင်းဆောင်ရွက်သွားဖို့ စီစဉ်သွားမယ်လို့လည်း သိရပါတယ်။

 

 

Related News