လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ ပြန်လည်ထူထောင်ရေးဦးစီးဌာနလက်အောက်ရှိ မူးယစ်ဆေး ဖြတ်ပြီးသူတွေကို ပြန်လည်ထူထောင်ရေးလုပ်ငန်းဆောင်ရွက်ပေးဖို့အတွက် ပြန်လည်ထူထောင်ရေးစခန်း (ရန်ကုန်)မှာ သင်တန်း အပတ်စဉ်(၂/၂၀၁၉)သင်တန်းကို ဇူလိုင်လ(၁၇)ရက်က ဖွင့်လှစ်ခဲ့ပြီး ဒီသင်တန်းမှာ သင်တန်းသားတွေရဲ့ မိဘတွေကိုပါ သင်တန်းပေးသွားဖို့ရှိတယ်လို့ သိရပါတယ်။ ပြန်လည်ထူထောင်ရေးစခန်း(ရန်ကုန်)မှာ မူးယစ်ဆေးဖြတ်ပြီးသူတွေကို လက်ခံမှာဖြစ်ပြီး မူးယစ်ဆေးဖြတ်ပြီးကြောင်း ထောက်ခံစာကိုတော့ ရွာသာကြီးစိတ်ကျန်းမာရေးဆေးရုံနဲ့ အစိုးရအသိအမှတ်ပြုဆေးရုံဆေးခန်းတွေရဲ့ ထောက်ခံစာရရှိမှသာ တက်ရောက်နိုင်မှာ ဖြစ်တယ်လို့ သိရပါတယ်။

ဒီသင်တန်းမှာ သင်တန်းသားတွေရဲ့ မိဘတွေကိုပါ တစ်ပတ်ကိုစနေ၊ တနင်္ဂနွေ (၂)ရက် သင်တန်းပေးသွားဖို့ရှိတယ်လို့သိရပါတယ်။ သင်တန်းသားတွေရဲ့မိဘတွေကို သင်တန်းပေးရတာက သင်တန်းဆင်းပြီး သင်တန်းသား တွေရဲ့ပြောင်းလဲလာတဲ့ ပုံသဏ္ဍန်တွေကိုသိရှိစေဖို့၊ အရင်မူးယစ်ဆေးသုံးစွဲနေချိန်လို မဆက်ဆံဘဲယုံကြည်မှုရှိလာစေဖို့ မိဘနဲ့ သားသမီးကြားအဆင်ပြေမှုရှိစေဖို့အတွက် ရည်ရွယ်ပြုလုပ်တာလို့ သိရပါတယ်။သင်တန်းသားတွေကို စိတ်ဓါတ်ပိုင်းဆိုင်ရာလေ့ကျင့်မှု၊ ခန္ဓာကိုယ်ကျန်းမာဖို့အတွက်အားကစားနည်းများအပြင် အသက်မွေး ၀မ်းကျောင်းပညာတွေဖြစ်တဲ့ ဆပ်ပြာဆီလုပ်ငန်း၊ တံဆိပ်ရိုက်လုပ်ငန်းနဲ့ စိုက်ပျိုးရေးလုပ်ငန်းတွေကို သင်ကြားပေးသွားမယ်လို့ သိရပါတယ်။

သင်တန်းဆင်းပြီး သင်တန်းသားတွေကိုလည်း စေတနာ့ဝန်ထမ်းတွေက(၁)နှစ်အထိ စောင့်ကြည့်ထိန်းသိမ်းခြင်းတွေ လုပ်ဆောင်ပေးမှာဖြစ်တယ်လို့ သိရပါတယ်။ လူမှုဝန်ထမ်း၊ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ ပြန်လည်ထူထောင်ရေးဦးစီးဌာန ကမ္ဘာအေးဘုရားလမ်းရှိ ပြန်လည်ထူထောင်ရေးစခန်း (ရန်ကုန်)ကို (၂၀၁၇)ခုနှစ် ဧပြီလက စတင်တည်ဆောက်ခဲ့ပြီး ဒီဇင်ဘာလ(၂၅)ရက်ကဖွင့်လှစ်ခဲ့တယ်လို့ သိရပါတယ်။

 

 

Related News