မန္တလေးမြို့မှာ နိုင်ငံတကာဗိသုကာ ကျောင်းသားများစုပေါင်းပြီး ဗိသုကာပညာရပ်ဆိုင်ရာ လေ့လာသုံးသပ်ခြင်းအစီအစဉ်ကို စတင်ပြုလုပ်နေတယ်လို့ ဇူလိုင်လ(၂၂)ရက်က မန္တလေးမြို့၊ နည်းပညာတက္ကသိုလ်(မန္တလေး)မှာ ပြုလုပ်တဲ့ International Summer Studio Camp က သိရပါတယ်။ အခုပြုလုပ်တဲ့ ဗိသုကာပညာရပ်ဆိုင်ရာ လေ့လာသုံးသပ်ခြင်းအစီအစဉ်ကို မြန်မာ၊ ကိုရီးယား၊ ဗီယက်နမ်နိုင်ငံများမှ ဗိသုကာတက္ကသိုလ်ကျောင်းသားတွေ စုပေါင်းပြုလုပ်တာပါ။ UNESCO Unitwin co-education program တစ်ခုဖြစ်တဲ့ smart city and sustainable development for Mandalay future ခေါင်းစဉ်အောက်မှာ ပါဝင်တဲ့ မြို့ပြဧရိယာ အစီအစဉ်နဲ့ ဗိသုကာဒီဇိုင်း လေ့လာတဲ့ အစိတ်အပိုင်းတစ်ခုဖြစ်ပါတယ်။

မြန်မာနိုင်ငံအနေနဲ့ မန္တလေးနည်းပညာတက္ကသိုလ်နဲ့ နည်းပညာတက္ကသိုလ်(မန္တလေး)က ဗိသုကာဌာနမှ ဆရာ/ဆရာမတွေနဲ့ ကျောင်းသား ကျောင်းသူတွေ ဦးဆောင်ပါဝင်ကြပြီး နိုင်ငံတကာနဲ့ ဗိသုကာပညာရပ်ဆိုင်ရာအခြေအနေတွေကို လေ့လာဖလှယ် ခွင့်ရရှိနိုင်မယ်လို့ သိရပါတယ်။ဒီအစီအစဉ်မှာ မန္တလေးမြို့၊ မြနန်းစံကျော်ရွှေနန်းတော်ကျောင်းတည်ရှိတဲ့ နန်းတွင်းရဲ့ပထမအတွင်းဧရိယာနဲ့ Approaches ၄ ဖက် ပါဝင်တဲ့ မြေကွက်ကို လေ့လာရေးဧရိယာအဖြစ်ရွေးချယ်ထားကာ ဗိသုကာဒီဇိုင်းရှုထောင့်၊ မြို့ပြစီမံကိန်းပညာရပ်ရှုထောင့်၊ မြေခင်းစီမံမှု ပညာရပ်ဆိုင်ရာရှုထောင့်တို့နဲ့ သုံးသပ်ကြမှာဖြစ်ပြီး smart city ဆိုင်ရာ နည်းပညာပံ့ပိုးမှုနဲ့အတူ မြန်မာ၊ ကိုးရီးယား၊ ဗီယက်နမ် ၃ နိုင်ငံ ပါဝင်တဲ့ International Summer Studio Camp တစ်ခုပြုလုပ်သွားမှာပါ။

ဒီ Camp မှာ ကိုရီးယားနိုင်ငံမှကျောင်းသား(၁၀)ဦးနဲ့ပရော်ဖက်ဆာ(၂)ဦး၊ ဗီယက်နိုင်ငံမှကျောင်းသား(၈)ဦးနဲ့ ပရော်ဖက်ဆာ(၂)ဦး၊ မြန်မာနိုင်ငံမှကျောင်းသား(၂၀)ဦးနဲ့ဆရာ/ဆရာမ(၆)တို့ကဦးဆောင်ပါဝင်လေ့လာကြမယ်လို့ သိရပါတယ်။အခုပြုလုပ်နေတဲ့ နိုင်ငံတကာဗိသုကာ ကျောင်းသူကျောင်းသားတွေရဲ့ International summer Studio Camp ကို ဇူလိုင်လ(၂၂)ရက်မှ(၃၁)ရက်အထိပြုလုပ်သွားမှာဖြစ်ပြီး ကျောင်းသူကျောင်းသားတွေအနေနဲ့ လေ့လာမှုဧရိယာနဲ့ ပတ်သက်ပြီး အထောက်အကူပြုမယ့်စာတမ်းတွေပြုစုသွားကြမယ်လို့သိရပါတယ်။

 

 

Related News