ရန်ကုန်ရဲ့ ဘတ်စ်ကားစနစ်အသစ် စတင်အသက်ဝင်မယ့် ဇန်န၀ါရီ ၁၆ရက်မှာ ခရီးသွားတွေ အခက်မတွေ့စေဖို့ လွှတ်တော်ကိုယ်စားလှယ်တွေဦးဆောင်ပြီး ယာဉ်လမ်းကြောင်း နဲ့ယာဉ်လိုင်းအသစ်တွေ အကြောင်းရှင်းပြပေးမယ့် စေတနာရှင်လုပ်အားပေးတွေဟာ ရန်ကုန်ရဲ့မှတ်တိုင်တိုင်းမှာ ရှိနေကြမယ်လို့ သိရပါတယ်။ သူတို့ဟာ တူညီဝတ်စုံတွေ၊ လက်ပက်အပြာတွေနဲ့ ရန်ကုန်ရဲ့မှတ်တိုင်နှစ်ထောင် လောက်မှာ ရုံးဆင်းရုံးတက်ချိန်နှစ်ချိန်ခွဲပြီးရှိနေမှာပါ။ စနစ်အသစ်မှာအခက်အခဲရှိလာနိုင် တဲ့ခရီးသွားတွေအတွက် သွားရမယ့် ယာဉ်လမ်းကြောင်း၊ စီးရမယ့်ကားနဲ့ ကုန်ကျငွေ၊တွေကို တစ်ပတ်လောက်ရှင်းပြပေးကြမှာပါ။

စနစ်သစ်ကိုအသားမကျခင်အချိန်အတွက် တိုင်းအစိုးရအဖွဲ့ကစီစဉ်ပေးတာဖြစ်ပြီး အခုတော့ သက်ဆိုင်ရာ မြို့နယ်လွှတ်တ်ာကိုယ်စားလှယ်တွေ ဦးဆောင်ပြီး လူစုနေပါပြီ။ရက်ပိုင်းအတွင်းစတင်မယ့် ဒီဘတ်စ်ကားစနစ်သစ်မှာတော့ မှတ်တိုင်တွေမပြောင်းသေးပါဘူး။ ဒါပေမယ့် ယာဉ်လမ်းကြောင်းအသစ်တွေအတွက် ဘတ်စ်ကားမှတ်တိုင် ၂၅၀ ကို ပြန်အဆင့်မြင့်ဖို့ လုပ်ဆောင်နေပါပြီ။ ဒါ့အပြင်သုံးလကျော်ရင်ယာဉ်အားလုံးမှာကဒ်စနစ်ကိုစတင်နိုင်ဖို့လည်း လုပ်နေတယ်လို့သိရပါတယ်။ အသိပေးမှုအချိန်နည်းလို့ အစပိုင်းမှာအခက်အခဲတစ်ချို့ရှိနိုင်ပြီး ပြည်သူတွေရဲ့တင်ပြချက်ပေါ်မူတည်ပြီး အစိုးရအဖွဲ့အနေနဲ့ယာဉ်လမ်းကြောင်းအသစ်တွေစဉ်းစားပေးဖို့ ရှိနေတယ်လို့တိုင်းလွှတ်တော်အမတ်တွေက ပြောပါတယ်။

ဒါ့အပြင် ဘတ်စ်ကားစနစ်ပြောင်းမယ့် ဇန်န၀ါရီ၁၆ရက်နေ့မတိုင်ခင် ဇန်န၀ါရီ၁၄ရက်နဲ့ ၁၅ရက်နေ့ တွေမှာလည်း မြို့နယ်အလိုက်လွှတ်တော်ကိုယ်စားလှယ်တွေဦးဆောင်ပြီး အသစ်ပြောင်းမယ့် ဘတ်စ်ကားစနစ် အကြောင်း လက်ကမ်းစာစောင်တွေလိုက်ဝေဖို့ရှိပါတယ်။ဒီကိစ္စတွေအတွက် ၀န်ကြီးချုပ်နဲ့ တိုင်းလွှတ်တော်အမတ်တွေ ဇန်န၀ါရီ(၁၃)ရက်မှာထပ်တွေ့မှာဖြစ်ပါတယ်။ 

Related News