ရခိုင်ပြည်နယ်အတွင်း ARSA အစွန်းရောက် ဘင်္ဂါလီအကြမ်းဖက်သမားများ၏ အကြမ်းဖက်တိုက်ခိုက်မှု လုပ်ရပ်များကြောင့် နေရပ်စွန့်ခွာ တိမ်းရှောင်နေရသည့် ဒေသခံ တိုင်းရင်းသားပြည်သူများအား တပ်မတော် (ကြည်း၊ ရေ၊ လေ) မိသားစုများနှင့် စေတနာရှင် အလှူရှင်များက လှူဒါန်းသည့် စားသောက်ဖွယ်ရာများနှင့် လူသုံးကုန်ပစ်္စည်းများကို လုံခြုံရေးတပ်ဖွဲ့ဝင်များက တပ်မတော် ရဟတ်ယာဉ်များ၊ မော်တော်ယာဉ်များဖြင့် လိုက်လံ ပို့ဆောင်ပေးလျက်ရှိရာ စက်တင်ဘာ(၁၂)တွင် မောင်တောမြို့နယ်၊ တောင်ပြိုဝဲကျေးရွာရှိ ဒေသခံတိုင်းရင်းသား ပြည်သူ ၁၁၆၂ ဦး၊ သရဖီ ကျေးရွာရှိ ဒေသခံ တိုင်းရင်းသားပြည်သူ ၁၉၃ ဦး၊ အထက်ပန်ဆီ ကျေးရွာရှိ ဒေသခံ တိုင်းရင်းသားပြည်သူ ၄၂၀ ဦး၊ ခမောင်းဆိပ် ကျေးရွာရှိ ဒေသခံတိုင်းရင်းသား ပြည်သူ ၄၈၂ဦးနှင့် ဘူးသီးတောင်မြို့နယ်၊ တောင်ဘဇာကျေးရွာရှိ ဒေသခံတိုင်းရင်းသား ပြည်သူ ၆၀၂ဦး တို့ကို ထောက်ပံ့ ပစ်္စည်းများ သွားရောက်ပေးအပ်သည်။
 
ထို့ပြင် အကြမ်းဖက်မှု လုပ်ရပ်များကြောင့် နေရပ်စွန့်ခွာ ရွှေ့ပြောင်းနေထိုင်လျက်ရှိသည့် ဒေသခံ တိုင်းရင်းသားပြည်သူများအား တပ်မတော်နယ်လှည့် ဆေးကုသရေးအဖွဲ့များက ကျန်းမာရေး စောင့်ရှောက်မှုလုပ်ငန်းများ ဆောင်ရွက်ပေးလျက်ရှိရာ စက်တင်ဘာ(၁၂)တွင် မောင်တောမြို့နယ် (၄)မိုင် အခြေခံပညာ အထက်တန်းကျောင်းရှိ ဒေသခံတိုင်းရင်းသားပြည်သူ ၁၀၂ ဦး၊ တောင်ဘဇာကျေးရွာရှိ ဒေသခံတိုင်း ရင်းသားပြည်သူ ၁၁၃ ဦး၊ တောင်ပြိုဝဲ ကျေးရွာ အခြေခံပညာ အထက်တန်းကျောင်းရှိ ဒေသခံ တိုင်းရင်းသား ပြည်သူ ၄၀ ဦး၊ ခမောင်းဆိပ်ကျေးရွာရှိ ဒေသခံတိုင်းရင်းသား ပြည်သူ ၁၀ ဦးနှင့် ကြိမ်ချောင်းကျေးရွာ ဘုန်းတော်ကြီးကျောင်းရှိ ဒေသခံတိုင်းရင်းသား ပြည်သူ ၄၆ ဦးတို့ကို လိုအပ်သည့် ဆေးဝါးကုသမှုများ ဆောင်ရွက်ပေးခဲ့ကြောင်း တပ်မတော် ကာကွယ်ရေးဦးစီးချုပ်ရုံးမှ သတင်းထုတ်ပြန်ထားပါတယ်။
 
 

Related News