တရုတ်ပြည်သူ့သမ္မတနိုင်ငံ၊နိုင်ငံတော်ကောင်စီဝင် ပြည်သူ့လုံခြုံရေးဝန်ကြီးဌာန၀န်ကြီး Mr.Zhao Kezhi (မစ္စတာကျောက့်ခချီ) ဦးဆောင်တဲ့ ကိုယ်စားလှယ်အဖွဲ့ဟာ မေလ(၁၀)ရက် ဒီကနေ့မှာ ရန်ကုန်တိုင်းဒေသကြီး လသာမြို့နယ်ရဲစခန်းကို လာရောက်ကြည့်ရှုခဲ့ပါတယ်။ ကိုယ်စားလှယ်အဖွဲ့ကို လသာမြို့နယ်ရဲတပ်ဖွဲ့စခန်းမှ ကင်းစင်ရေးပြ တပ်ဖွဲ့ဝင်များက ဂုဏ်ပြုကြိုဆိုခဲ့ကြပါတယ်။

လသာမြို့နယ်ရဲစခန်း အစည်းအဝေးခန်းမမှာ တရုတ်ပြည်သူ့သမ္မတနိုင်ငံ၊နိုင်ငံတော်ကောင်စီဝင် ပြည်သူ့လုံခြုံရေး ၀န်ကြီးဌာန၀န်ကြီး Mr.Zhao Kezhi (မစ္စတာကျောက့်ခချီ)ဦးဆောင်တဲ့ ကိုယ်စားလှယ်အဖွဲ့ကို ရန်ကုန်တိုင်းဒေသကြီး ရဲတပ်ဖွဲ့မှူး ရဲမှူးချုပ် ဦးဝင်းနိုင်မှ ရန်ကုန်တိုင်းဒေသကြီး ရဲတပ်ဖွဲ့ရဲ့ နယ်မြေအခြေအနေများ၊ရဲတပ်ဖွဲ့အလိုက် ဖွဲ့စည်းပုံအင်အားနှင့် လက်ရှိအင်အားအခြေအနေများ မှုခင်းဖြစ်ပွားမှုနှင့်မှုခင်းကြိုတင် ကာကွယ်ရေးဆောင်ရွက်ချက်များ၊ နိုင်ငံတကာပူးပေါင်းဆောင်ရွက်မှု အခြေအနေများ၊ရပ်ရွာနေ ပြည်သူအခြေပြု Community Based Policing  ဆောင်ရွက်မှုအခြေအနေ များအား ရှင်းလင်းတင်ပြခဲ့ပါတယ်။

တရုတ်ပြည်သူ့သမ္မတနိုင်ငံ၊နိုင်ငံတော်ကောင်စီဝင် ပြည်သူ့လုံခြုံရေးဝန်ကြီးဌာနဟာ ရန်ကုန်တိုင်း ဒေသကြီး ရဲတပ်ဖွဲ့မှူးရုံးအတွက် လက်တော့ (၂)လုံး၊လသာမြို့နယ်ရဲတပ်ဖွဲ့အတွက် လက်တော့ (၂)လုံးကို ပေးအပ်ခဲ့တယ်လို့သိရပါတယ်။ တရုတ်ပြည်သူ့သမ္မတနိုင်ငံ၊နိုင်ငံတော်ကောင်စီဝင် ပြည်သူ့လုံခြုံရေးဝန်ကြီးဌာန ၀န်ကြီးနဲ့ အဖွဲ့ဟာစခန်းမှူး ရုံးခန်း၊ရဲစခန်း၊အချုပ်ခန်းနဲ့ တရုတ်ပြည်သူ့ သမ္မတနိုင်ငံမှ လှူဒါန်းခဲ့သည့် မီးတန်းဆလွန်းယာဉ်တို့အား လှည့်လည်ကြည့်ရှုစစ်ဆေးကာ ရဲစခန်း ရှေ့မျက်နှာစာတွင် စုပေါင်းအမှတ်တရဓာတ်ပုံများရိုက်ကူးခဲ့ကြတယ်လို့သိရပါတယ်။

တရုတ်ပြည်သူ့သမ္မတနိုင်ငံ၊နိုင်ငံတော်ကောင်စီဝင် ပြည်သူ့လုံခြုံရေးဝန်ကြီးဌာန ၀န်ကြီး Mr.Zhao Kezhi (မစ္စတာကျောက့်ခချီ)ဟာ မြန်မာနိုင်ငံကို မေလ (၈)ရက်က စတင်ရောက်ရှိခဲ့တာဖြစ်ပြီး နိုင်ငံတော်သမ္မတဦးဝင်းမြင့်နှင့် နိုင်ငံတော်၏အတိုင်ပင်ခံပုဂ်္ဂိုလ် ဒေါ်အောင်ဆန်းစုကြည်တို့ကို သီးခြားစီဂါရ၀ပြုတွေ့ဆုံခဲ့တယ်လို့လည်းသိရပါတယ်။

 

 

Related News