အိမ်ခြံမြေ၀န်ဆောင်မှုဥပဒေကြမ်းကို မြန်မာနိုင်ငံအိမ်ခြံမြေ၀န်ဆောင်မှုအသင်း၊ မြန်မာနိုင်ငံအိမ်ခြံမြေလုပ်ငန်း ဖွံ့ဖြိုးတိုးတက်ရေးအသင်း၊ ရန်ကုန်တိုင်းအိမ်ခြံမြေလုပ်သန်းရှင်များအသင်းနဲ့ မန္တလေးတိုင်းဒေသကြီး အိမ်ခြံမြေကိုယ်စားလှယ်များဖွံ့ဖြိုးတိုးတက်ရေးအသင်းတို့ ပူးပေါင်းရေးဆွဲပြီး လွှတ်တော်ကို တင်ပြထားတယ်လို့ သိရပါတယ်။ရေးဆွဲထားတဲ့ ဥပဒေကြမ်းက နိုင်ငံတော်နဲ့အများပြည်သူတွေ၊ အိမ်ခြံမြေလောကသားတွေ စနစ်တစ်ကျ လုပ်ကိုင်နိုင်ဖို့အတွက် ရည်ရွယ်ရေးဆွဲတာဖြစ်တယ်လို့ သိရပါတယ်။  လက်ရှိ မြန်မာနိုင်ငံအိမ်ခြံမြေ၀န်ဆောင်မှုလုပ်ငန်းတွေဟာ  ဥပဒေနဲ့စနစ်တကျလုပ်ကိုင်တာတွေမရှိတာတွေနဲ့  ဥပဒေကို တိကျစွာရေးဆွဲပြဌာန်းထားတာမရှိတာတွေကြောင့် လုပ်ငန်းလုပ်ကိုင်ရာမှာအခက်အခဲတွေရှိနေလို့ အခုလို အိမ်ခြံမြေ၀န်ဆောင်မှု  ဥပဒေကိုရေးဆွဲထားတာလို့သိရပါတယ်။

အိမ်ခြံမြေ၀န်ဆောင်မှုဥပဒေမှာ  အိမ်ခြံမြေအရောင်းအ၀ယ်လုပ်ရာမှာ  ဝန်ဆောင်မှုပြုလုပ်ပေးသူက ၀ယ်ယူမည့်သူကို အခွန်ပေဆောင်ဖို့ကိစ္စတွေကို ရှင်းပြပေးတာတွေပြုလုပ်ပေးရမှာ ဖြစ်တယ်လို့ ပါရှိပါတယ်။ ဒါမှသာ နိုင်ငံတော်ကလည်း တရားဝင်အခွန်ကောက်တွေကို မှန်မှန်ကန်ကန်ရရှိနိုင်မှာဖြစ်ပြီး ပြည်သူတွေအတွက်လည်း ဥပဒေတစ်ရပ် ထွက်ပေါ်လာတဲ့အခါ ရောင်းမှား ၀ယ်မှား ဖြစ်တာတွေ၊ လိမ်လည်ပြီး မမှန်မကန်စာရွက်စာတမ်းပြုလုပ်တာမျိုးတွေ လျော့နည်သွားနိုင်မှာဖြစ်တယ်လို့ သိရပါတယ်။ ယခုပြင်ဆင်ရေးဆွဲနေတဲ့ အိမ်ခြံမြေ၀န်ဆောင်မှု ဥပဒေ ကို နိုင်ငံတော်အစိုးရနဲ့သက်ဆိုင်ရာဝန်ကြီးဌာနတွေ ၊ ရှေ့နေချုပ်ရုံး၊ တရားသူကြီးချုပ်ရုံးက တာဝန်ရှိသူတွေ ပူးပေါင်းရေးဆွဲထားတာဖြစ်တယ်လို့ သိရပါတယ်။ ဒီဥပဒေတွက်ပေါ်လာရင်  နိုင်ငံနဲ့နိုင်ငံသားတွေ၊ အကျိူးဆောင်တွေ၊ အိမ်ခြံမြေလုပ်ငန်းလုပ်ကိုင်နေသူအားလုံး လက်ရှိ အိမ်ခြံမြေလောကအခြေအနေတွေထက် ကောင်းမွန်တဲ့ အခြေအနေတွေဖြစ်ပေါ်လာနိုင်မယ်လို့ မြန်မာနိုင်ငံအိမ်ခြံမြေလုပ်ငန်းဖွံ့ဖြိုးတိုးတက်ရေးအသင်းမှ တာဝန်ရှိသူကပြောကြားထားပါတယ်။

 

 

Related News