ပန်းဘဲတန်းမြို့နယ် အမှတ်(၈)ရပ်ကွက်ရှိ ဗိုလ်ဆွန်ပက်လမ်း(အထက်)နှင့်လမ်း၃၀(အထက်) နောက်ဖေးလမ်းကြားကို ပြည်သူများ အပန်းဖြေနားနေနိုင်ဖို့အတွက်ပြင်ဆင်နေတယ်လို့သိရပါတယ်။ ပန်းဘဲတန်းမြို့နယ် အမှတ်(၈)ရပ်ကွက်ရှိ ဗိုလ်ဆွန်ပက်လမ်း(အထက်)နှင့် လမ်း ၃၀ (အထက်)နောက်ဖေးလမ်းကြားအလှဆင်မှုကို ရန်ကုန်မြို့တော်စည်ပင်သာယာရေးကော်မတီ၊ ရပ်ကွက်အုပ်ချုပ်ရေးမှူး၊ ရပ်ကွက်နေပြည်သူတွေနဲ့ ဒို့အိမ်အဖွဲ့တို့ ပူးပေါင်းပြုလုပ်တာဖြစ်ပါတယ်။ ရန်ကုန်မြို့တော်စည်ပင်သာယာရေးကော်မတီက ဗိုလ်ဆွန်ပက်လမ်း(အထက်)နှင့် လမ်း၃၀(အထက်) နောက်ဖေးလမ်းကြားကို အမှိုက်တွေရှင်းလင်းပြီး မိလ္လာကန်တွေနဲ့ ရေမြောင်းတွေကို ကွန်ကရစ်ခင်းတာတွေ ပြုလုပ်ပေးနေတာပါ။

အခုလိုနောက်ဖေးလမ်းကြား အလှဆင်ဖို့အတွက် နောက်ဖေးလမ်းကြားအဆင့်မြှင့်တင်ရေးကော်မတီက ရပ်ကွက်နေပြည်သူတွေကို အမှိုက်မပစ်ဖို့ နှိုးဆော်ချက်တွေ ပြုလုပ်ပေမယ့် လက်ရှိမှာ အမှိုက်ပစ်တဲ့သူတွေရှိနေသေးတယ်လို့ သိရပါတယ်။ဗိုလ်ဆွန်ပက်လမ်း(အထက်)နှင့်လမ်း-၃၀(အထက်) နောက်ဖေးလမ်းကြားကို အမှိုက်တွေရှင်းလင်းပြီး ပြည်သူတွေနားနေအပန်းဖြေနိုင်ဖို့အတွက် လုပ်ဆောင်ရာမှာ နံရံဆေးရေးပန်းချီတွေအပြင်၊ စာကြည့်တိုက်၊ ကလေးကစားကွင်းတွေ ထည့်သွင်းသွားမယ်လို့သိရပါတယ်။

ရပ်ကွက်နေပြည်သူတွေကတော့ အခုလိုနောက်ဖေးလမ်းကြားကိုအလှဆင် ပြုပြင်ပေးတာကြောင့် သန့်ရှင်းမှုရရှိပြီးလေကောင်းလေသန့်ရရှိ တယ်လို့ပြောပါတယ်။ရန်ကုန်မြို့တော်စည်ပင်သာယာရေးကော်မတီကဗိုလ်ဆွန်ပတ်လမ်း(အထက်)နှင့်လမ်း-၃၀(အထက်) နောက်ဖေးလမ်းကြားရှိ အလှဆင်တဲ့လမ်းတွေရဲ့ကုန်ကျစရိတ်ကို ဒို့အိမ်အဖွဲ့က(၈၀)ရာခိုင်နှုန်း ကူညီပေးပြီး ရပ်ကွက်နေပြည်သူတွေက (၂၀)ရာခိုင်နှုန်းထည့်ဝင်ရတယ်လို့သိရပါတယ်။  ပန်းဘဲတန်းမြို့နယ်မှာ နောက်ဖေးလမ်းကြားအလှဆင်မှုအနေနဲ့ အခုပြုလုပ်နေတဲ့  နောက်ဖေးလမ်းကြားအပါအ၀င် အလှဆင်ပြုပြင်ပြီးနောက်ဖေးလမ်းကြား(၅)ခုရှိတယ်လို့သိရပါတယ်။

 

 

Related News