ဝါးထုတ်ကုန်တွေ အတွက် မြန်မာနိုင်ငံမှာရှိတဲ့ ဝါး သဘာဝတောတွေနဲ့ မလုံလောက်ပဲ ၀ါးစိုက်ခင်းတွေစိုက်ဖို့  လိုအပ်တယ်လို့  စက်တင်ဘာ(၁၈)ရက်က ရန်ကုန်တက္ကသိုလ် စိန်ရတုခန်းမမှာ ပြုလုပ်တဲ့ ကမ္ဘာ့ဝါးအထိမ်းအမှတ်နေ့ အခမ်းအနားမှ  သိရပါတယ်။လက်ရှိ မြန်မာနိုင်ငံမှာရှိနေတဲ့ ဝါး သဘာဝတောတွေနဲ့မလုံလောက်ပဲ ၀ါးစိုက်ခင်းတွေစိုက်ဖို့လိုအပ်တယ်လို့  မြန်မာနိုင်ငံကြိမ်နှင့်ဝါးလုပ်ငန်းရှင်များအသင်း  ဥက္ကဋ္ဌ က ကမ္ဘာ့ ဝါးအထိမ်းအမှတ်နေ့ အခမ်းအနားမှာ ပြောပါတယ်။ ရန်ကုန်တိုင်းဒေသကြီးအပါအ၀င် အနယ်နယ်အရပ်ရပ်မှာ ၀ါးစိုက်ခင်းဧက(၅၀၀၀)လောက်စိုက်ပျိုးနိုင်မှသာ နိုင်ငံတကာဈေးကွက်ကိုထိုးဖောက်နိုင်မယ်လို့ ပြောပါတယ်။ မြန်မာနိုင်ငံမှာ တနသာင်္ရီကနေ ကချင်ပြည်နယ်အထိ ၀ါးပေါက်ရောက်ရာနေရာဖြစ်တာကြောင့် ၀ါးကိုမူဝါဒချပြီး စိုက်ပျိုးမယ်ဆိုရင် စီးပွားရေးလုပ်ငန်းလုပ်ကိုင်သူတွေအနေနဲ့လည်း အဆင်ပြေစေနိုင်တယ်လို့သိရပါတယ်။

စိန်ရတုခန်းမမှာ ကျင်းပတဲ့ ကမ္ဘာ့ဝါးအထိမ်းအမှတ်နေ့ကို   မြန်မာနိုင်ငံအနှံ့အပြားမှာရှိတဲ့ ၀ါးနဲ့သက်ဆိုင်တဲ့ကွန်ရက်အဖွဲ့အစည်းများ၊၀ါးချစ်မြတ်နိုးသူတွေအပါအ၀င် ၀ါးအခန်းကဏ္ဍဖွံ့ဖြိုးတိုးတက်ဖို့အတွက် လုပ်ကိုင်နေကြသူတွေ တစ်စုတစ်စည်းထဲတွေ့ဆုံစေဖို့နဲ့ မိမိတို့ပြုလုပ်ထားတဲ့လက်ရာပစ္စည်းအမျိုးမျိုးကို ပြည်သူတွေကိုပြသနိုင်ဖို့အတွက် ပြုလုပ်တာဖြစ်ပါတယ်။ အခု အခမ်းအနားမှာတော့ ၀ါးပစ္စည်းအမျိုးမျိုးဖြစ်တဲ့ ၀ါးမီးသွေး၊၀ါးလောင်စာတောင့်၊ ၀ါးပါကေး၊၀ါးနဲ့ပြုလုပ်ထားတဲ့ချည်ထည်ပစ္စည်းအမျိုးမျိုး အပါအ၀င် ၀ါးကထုတ်လုပ်တဲ့ အသုံးအဆောင်ပစ္စည်းတွေကို ပြသရောင်းချထား ပါတယ်။ မြန်မာနိုင်ငံမှာ သစ်ထွက်ရှိမှုထက် ၀ါးထွက်ရှိမှုကပိုမိုမြန်ဆန်တာကြောင့် ၀ါးကို အသုးံပြုပြီး အသေးစား၊အကြီးစားစီးပွားရေးလုပ်ငန်းတွေကို လုပ်ကိုင်နိုင်တာကြောင့် ၀င်ငွေတိုးတက်မှုလည်းရရှိလာနိုင်မယ်လို့သိရပါတယ်။

 

 

Related News