ပြည်ထောင်စုဖွားတိုင်းရင်းသားများကို ခွဲခြားကန့်သတ်ချုပ်ချယ်ခြင်းမရှိကြောင်း အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ပြည်ထောင်စုဝန်ကြီး ဦးသိန်းဆွေ ကမတ်လ ၁၃ရက်က ပြုလုပ်ခဲ့တဲ့ ဒုတိယအကြိမ် ပြည်သူ့လွှတ်တော် (၁၁)ကြိမ်မြောက်ပုံမှန် အစည်းအဝေး မှာပြောကြားခဲ့ပါတယ်။ကချင်ပြည်နယ် အင်းဂျန်းယန်မဲဆန္ဒနယ်မှ ပြည်သူ့လွှတ်တော် ကိုယ်စားလှယ်ဦးလမာနော်အောင်မေးမြန်းခဲ့တဲ့ စစ်ဘေးရှောင်စခန်းတွင် ရောက်ရှိနေသော ပြည်သူများ ကြုံတွေ့ နေရသည့် နိုင်ငံသားစိစစ်ရေးကတ်ပြားနှင့် အိမ်ထောင်စုစာရင်းအခက်အခဲကိစ္စများ နှင့် ပတ်သက် ပြီး ပြည်ထောင်စုဖွားတိုင်းရင်းသားစစ်စစ်ဖြစ်ပါလျက်နှင့် ခွဲခြားကန့်သတ်ချုပ်ချယ်ခြင်းသည် ဖွဲ့စည်းပုံအခြေခံဥပဒေနှင့် ညီညွှတ်မှုရှိ ၊ မရှိနှင့် အခြားစစ်ဘေးရှောင်စခန်းအသီးသီးသို့ရောက်ရှိနေကြသည့် တိုင်းရင်းသား ပြည်သူများအတွက် နိုင်ငံသားစိစစ်ရေးကတ်ပြားနှင့် အိမ်ထောင်စုစာရင်းအားမည်သို့စီမံဆောင်ရွက် ထားသည် ကို သိရှိလိုကြောင်းမေးမြန်းစဉ် ပြည်ထောင်စုဝန်ကြီးက ထည့်သွင်းဖြေကြားခဲ့တာပါ။

အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ပြည်ထောင်စုဝန်ကြီး ဦးသိန်းဆွေ ကမိမိတို့ ၀န်ကြီးဌာနအနေနဲ့ ပြည်ထောင်စုဖွားတိုင်းရင်းသားများကို ခွဲခြားကန့်သတ်ချုပ်ချယ်ခြင်းမရှိဘဲ အင်းဂျန်းယန် နယ်မြေအတွင်းမှစစ်ဆေးရေးဂိတ်များမှ ပြည်သူများကိုစစ်ဆေးနေခြင်းသည်  လုံခြုံရေးအရ တာဝန်ရှိတဲ့ ၀န်ကြီးဌာနများက နိုင်ငံတော်လုံခြုံရေး၊တရားဥပဒေစိုးမိုးရေးအတွက် ဥပဒေနှင့် အညီ စစ်ဆေးနေ တာဖြစ်တယ်လို့ ပြောပါတယ်။ကချင်ပြည်နယ်အတွင်းမှာ စစ်ဘေးရှောင် ဒုက္ခသည်စခန်း IDP Camp စုစုပေါင်း (၈၉)ခုရှိပြီး အိမ်ထောင်စုပေါင်း (၈၁၃၁)စုနဲ့ လူဦးရေ (၄၁၀၀၉) ဦးရှိတယ်လို့ သိရပါတယ်။အဆိုပါစစ်ဘေးရှောင်စခန်းတွေမှာ ရောက်ရှိနေတဲ့ နေရပ်စွန့်ခွာနေထိုင်သူများကို ၀န်ကြီးဌာနအနေနဲ့ သစ္စာစီမံချက်နဲ့ နိုင်ငံသားစိစစ်ရေးကတ်ပြား များ ထုတ်ပေးခဲ့ပြီး(၂၀၁၉) ခုနှစ်ဖေဖော်ဝါရီလ(၇)ရက် အထိစုစုပေါင်း  (၂၉၃၅၁) ဦး ကိုထုတ်ပေးခဲ့တယ်လို့ သိရပါတယ်။

 

 

Related News