ရွှေတိဂုံစေတီတော်မှာ (၁၀)ရက်တာ ကျင်းပတဲ့ ဗုဒ္ဓပူဇနိယတပေါင်းပွဲတော်ရက်တွေအတွင်းမှာ မတ်လ(၁၉)ရက် တစ်ရက်ထဲကို   ရွှေတိဂုံစေတီတော်ရင်ပြင်မှာ  ဘုရားဖူးပြည်သူ ညအိပ်ခွင့် ခွင့်ပြုပေးခဲ့ပါတယ်။ရွှေတိဂုံစေတီတော်ရင်ပြင်မှာ ညအိပ်ခွင့် ခွင့်ပြုတာနဲ့ပတ်သက်လို့ မသိုးသင်္ကန်းရက်လုပ်တဲ့ပွဲတော်တစ်ခုမှသာ နှစ်စဉ်လိုလိုမဖြစ်မနေခွင့်ပြုပေးလေ့ရှိပြီး ကျန်ပွဲတော်ရက်တွေနဲ့ အခြားရက်တွေမှာတော့ ဘုရားဖူးတွေကို ညအိပ်ခွင့် ပေးလေ့ပေးထ မရှိသလောက် နည်းပါးပါတယ်။မြန်မာသက္ကရာဇ်(၁၃၈၀)ပြည့်နှစ်၊တပေါင်းလပြည့်နေ့မှာတော့ ရွှေတိဂုံစေတီတော်ကြီးရဲ့(၂၆၀၇) နှစ်မြောက် ဗုဒ္ဓပူဇနိယတပေါင်းပွဲတော်ကိုကျင်းပနေတာဖြစ်ပြီး တပေါင်းပွဲတော်ကို တပေါင်းလပြည့်နေ့ထိ (၁၀)ရက်တာကျင်းပနေတာလည်းဖြစ်ပါတယ်။ ဒီနှစ်တပေါင်းပွဲတော်(၁၀)ရက်တာ ကာလတွင်းမှာတော့ တပေါင်းလပြည့်မတိုင်ခင် တစ်ရက် မတ်လ(၁၉)ရက်ညတစ်ညကိုတော့ ရွှေတိဂုံစေတီတော်ရင်ပြင်မှာ ဘုရားဖူးတွေကိုညအိပ်ခွင့် ခွင့်ပြုခဲ့တယ်လို့ ဂေါပကအဖွဲ့ထံမှ သိရပါတယ်။

ညအိပ်ခွင့်ပြုခဲ့တာနဲ့ပတ်သက်လို့ ရွှေတိဂုံစေတီတော်ဂေါပကအဖွဲ့၊ရုံးအဖွဲ့မှူး ဦးထွန်းအောင်ငွေကအခုလိုပြောပါတယ်။ညအိပ်ခွင့်ပြုပေးရာမှာ ညအိပ်ဘုရားဖူးချင်သူတွေအနေနဲ့ မှတ်ပုံတင်ပါရှိရမှာဖြစ်ပြီး မှတ်ပုံတင်နဲ့စာရင်းပေးကာ ညအိပ်ခွင့်တိုင်းကြားရင်ခွင့်ပြုပေးတယ်လို့သိရပါတယ်။မတ်လ(၁၉)ရက်က ညအိပ်ဘုရားဖူးသူတွေ ထောင်ချီနီးပါးလောက်ရှိတယ်လို့သိရပါတယ်။တပေါင်းလပြည်နေ့အာရုံတက်ချိန်မှာ ရွှေတိဂုံစေတီတော် ဘဏ္ဍာတော် ထိန်းဂေါပကအဖွဲ့က ဦးဆောင်ပြီး  အာရုံတက်ဆွမ်းတော်ကြီး ဆက်ကပ်လှူဒါန်းပွဲကိုပြုလုပ်ခဲ့တာဖြစ်ပါတယ်။ အာရုံတက်ဆွမ်းတော်ကြီးဆက်ကပ်လှူဒါန်းပွဲ အပါအ၀င် ရွှေတိဂုံစေတီတော်ရင်ပြင်ပေါ်မှာ မတ်လ(၁၉)ရက်က ညအိပ်ဘုရားဖူးတွေ နဲ့ တပေါင်းလပြည့်နေ့နံနက်မှာတော့ ဆွမ်း၊ပန်း၊ ရေချမ်း၊သစ်သီး၊ဆီမီး၊အမွှေးနံ့သာ စတာတွေကို ဆက်ကပ် လှူဒါန်းခဲ့ကြပါတယ်။

 

 

Related News