အမျိုးသားပြန်လည်သင့်မြတ်ရေးနှင့်ငြိမ်းချမ်းရေးဗဟိုဌာန (NRPC)နှင့် တိုင်းရင်းသားလက်နက်ကိုင် အဖွဲ့အစည်း (၈)ဖွဲ့တို့၏ ငြိမ်းချမ်းရေးဆွေးနွေးပွဲကို နေပြည်တော်ရှိ အမျိုးသားပြန်လည်သင့်မြတ်ရေးနှင့်ငြိမ်းချမ်းရေးဗဟိုဌာန (NRPC)မှာမတ်လ၂၁ရက်ကပြုလုပ်ခဲ့ပါတယ်။ယခုဆွေးနွေးပွဲမှာတိုင်းရင်းသားလက်နက်ကိုင်အဖွဲ့များအနေနဲ့ NCA လမ်းကြောင်းနှင့် ငြိမ်းချမ်းရေးဖြစ်စဉ်တွင် ပါဝင်လာရန် အစိုးရနှင့်တပ်မတော်က ငြိမ်းချမ်းရေးတံခါးကို အမြဲဖွင့်ထားပြီး NCA သည် လမ်းဆုံးမဟုတ်ဘဲ နိုင်ငံရေးတံခါးကို စတင်ဖွင့်လှစ်လိုက်ခြင်းဖြစ်ကာ NCA လက်မှတ်မရေးထိုးရသေးသည့် တိုင်းရင်းသားလက်နက်ကိုင် အဖွဲ့အစည်းများအနေဖြင့် NCA တွင် ပါဝင်လက်မှတ်ရေးထိုးရန်အတွက် စိုးရိမ်စိတ်များ၊ အခက်အခဲများရှိပါက ပွင့်ပွင့်လင်းလင်းဆွေးနွေး ပြောကြားဖို့နဲ့ ယခုလိုအနေအထားတွင် ရေရှည်တည်တံ့ခိုင်မြဲသည့် ငြိ်မ်းချမ်းရေး ရရှိရန်အတွက် အချင်းချင်း အပြန်အလှန်လေးစားမှု၊ ယုံကြည်မှုတို့နှင့် ညှိနှိုင်းဆွေးနွေး အဖြေရှာ ပေးကြရန်၊ ငြိမ်းချမ်းရေးဖြစ်စဉ်တွင် အားလုံးပါဝင်နိုင်ရေး ကြိုးပမ်းပေးကြဖို့ အမျိုးသားပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာန ဒုတိယဥက္ကဋ္ဌ ဒေါက်တာတင်မျိုးဝင်း တိုက်တွန်းပြောကြားခဲ့ပါတယ်။အမျိုးသားပြန်လည်သင့်မြတ်ရေးနှင့်ငြိမ်းချမ်းရေးဗဟိုဌာန (NRPC)နှင့် တိုင်းရင်းသားလက်နက်ကိုင် အဖွဲ့အစည်း ၈ ဖွဲ့တို့၏ ငြိမ်းချမ်းရေးဆွေးပွဲအပြီးမှာတော့ ပူးတွဲကြေညာချက်တစ်ခုကို ထုတ်ပြန်နိုင်ခဲ့ပြီး  အဲဒီထဲမှာ သဘောထား စုစည်းချက်(၅)ချက်ကို ရရှိခဲ့တယ်လို့ သိရပါတယ်။ သဘောထားစုစည်းချက်(၅)ချက်ထဲမှာ

(က) လက်ရှိဖြစ်ပွားနေသော လက်နက်ကိုင်တိုက်ပွဲများ လျှော့ချနိုင်ရေးအတွက် ဆက်လက်ညှိနှိုင်း ကြိုးပမ်းကြရန်၊

(ခ) တစ်နိုင်ငံလုံး တည်ငြိမ်အေးချမ်းမှုကို ထိန်းသိမ်းနိုင်ရေးအတွက် ဆက်လက်ညှိနှိုင်းကြိုးပမ်းကြရန်၊

(ဂ) ဒေသဖွံ့ဖြိုးရေးနှင့် ဒေသခံပြည်သူများအရေးအတွက် နှစ်ဖက်လုံးက အလေးထားဆောင်ရွက်ကြရန်

(ဃ) အမျိုးသားပြန်လည်သင့်မြတ်ရေးနှင့် ငြိမ်းချမ်းရေးအတွက် အရင်းခံအကြောင်းတရားဖြစ်သည့် နိုင်ငံရေးပြသာနာကို နိုင်ငံရေးနည်းဖြင့် ငြိမ်းချမ်းစွာညှိနှိုင်းဖြေရှင်းကြရန်နှင့်

(င) နှစ်ဖက်အဆုံးအဖြတ်ပေးနိုင်သည့် ပုဂ္ဂိုလ်များပါဝင်သောတွေ့ဆုံဆွေးနွေးမှုများ မကြာခဏဆက်လက် ပြုလုပ်သွားရန်တို့ ဖြစ်တယ်လို့သိရပါတယ်။

အဆိုပါ အစည်းအဝေးကို အမျိုးသားပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာန အဖွဲ့ဝင်များဖြစ်ကြတဲ့ ပြည်ထောင်စုရှေ့နေချုပ် ဦးထွန်းထွန်းဦး၊ ဒုတိယ ဗိုလ်ချုပ်ကြီးရာပြည့်၊ ဒုတိယဗိုလ်ချုပ်ကြီးမင်းနောင်၊ အတွင်းရေးမှူး ဒုတိယ၀န်ကြီးဦးခင်မောင်တင်၊ ငြိမ်းချမ်းရေးကော်မရှင် ဒုတိယဥက္ကဋ္ဌ ဦးသိန်းဇော်၊ အတွင်းရေးမှူး ဒုတိယဗိုလ်ချုပ်ကြီး(အငြိမ်းစား) ဦးခင်ဇော်ဦး၊ အဖွဲ့ဝင်များဖြစ်ကြသည့် ပြည်သူ့လွှတ်တော်ကိုယ်စားလှယ် ဦးအောင်စိုး၊ အထောက်အကူပြုအဖွဲ့ဝင် ဦးမိုးဇော်ဦး၊ နိုင်ငံတော်အတိုင်ပင်ခံရုံးဝန်ကြီးဌာန ညွှန်ကြားရေးမှူးချုပ် ဦးဇော်ဌေးတို့ တက်ရောက်ခဲ့ပြီး တိုင်းရင်းသားလက်နက်ကိုင်အဖွဲ့အစည်းများဖြစ်ကြတဲ့ “၀”ပြည်သွေးစည်းညီညွတ်ရေးပါတီ (UWSP)၊ ကချင်ပြည်လွတ်မြောက်ရေးအဖွဲ့(KIO)၊ ရှမ်းပြည်နယ်အရှေ့ပိုင်း ငြိမ်းချမ်းရေးနှင့် စည်းလုံးရေးကော်မတီ(PSC)၊ ရှမ်းပြည်တိုးတက်ရေးပါတီ (SSPP)၊ မြန်မာနိုင်ငံ အမှန်တရားနှင့် တရားမျှတသော အမျိုးသားပါတီ (MNTJP)၊ ပလောင်ပြည်နယ် လွတ်မြောက်ရေး တပ်ဦး (PSLF)၊ ရက္ခိုင်အမျိုးသားအဖွဲ့ချုပ် (ULA)နှင့် ကရင်နီအမျိုးသားတိုးတက်ရေးပါတီ(KNPP)တို့မှ ခေါင်းဆောင်များ၊ ကိုယ်စားလှယ်များနှင့် တာဝန်ရှိသူများ တက်ရောက်ခဲ့ကြတယ်လို့ သိရပါတယ်။

 

 

Related News