လာမယ့် မတ်လ(၃၁)ရက်မှာ ပြုလုပ်မယ့် ရန်ကုန်မြို့တော်စည်ပင်သာယာရေးကော်မတီဝင် အဆင့်ဆင့် ရွေးကောက်ပွဲနဲ့ပတ်သက်ပြီး မဲဆန္ဒရှင်ပြည်သူတွေအတွက် မဲစာရင်းပြင်ဆင်ဖြည့်စွက်တာတွေကို မတ်လ(၂၁)ရက်ထိ သာပြုလုပ်ပေးခဲ့ပြီး မတ်လ(၂၂)ရက်ကစတင်ကာ ပြင်ဆင်ဖြည့်စွက်ပေးတာတွေကို မလုပ်ဆောင်ပေးတော့ဘူးလို့ ရန်ကုန်မြို့တော်စည်ပင်သာယာ ရွေးကောက်ပွဲကော်မရှင်က ကြေညာခဲ့ပါတယ်။မဲစာရင်းအတွက် လူဦးရေစာရင်းကို တိုင်းဒေသကြီးအစိုးရအဖွဲ့က ကောက်ယူပေးခဲ့တာဖြစ်ပြီး ဒီလူစာရင်းအပေါ်အခြေခံကာ ရန်ကုန်မြို့တော် စည်ပင်သာယာရွေးကောက်ပွဲကော်မရှင်က မဲစာရင်းတွေပြုစုထုတ်ပြန်ခဲ့တာဖြစ်ပါတယ်။ ကော်မရှင်အနေနဲ့ မဲစာရင်း ဖြည့်စွက်၊ပြင်ဆင်၊ကန့်ကွက်၊ပယ်ဖျက်တွေကို   မတ်လ(၅)ရက် အထိသာ ကနဦးကြေညာထားတာဖြစ်ပါတယ်။  ဒီကာလအတွင်း ပြင်ဆင်တာတွေကို ပြုလုပ်ပေးခဲ့ပြီးနောက် မဲစာရင်းမှာပါဝင်သင့်တဲ့သူတွေ အကြောင်းအမျိုးမျိုးကြောင့် မပါဝင်သေးတာတွေရှိနေလို့ ကိုယ်စားလှယ်လောင်းတွေ မဲဆွယ်စည်းရုံးချိန်လှုံ့ဆော်မှုတွေကြောင့် မဲဆန္ဒရှင်တွေရဲ့ မဲစာရင်းပြင်ဆင် ဖြည့်စွက်တာတွေကို ကိုယ်စားလှယ်လောင်းတွေရဲ့တောင်းဆိုမှုတွေနဲ့ မတ်လ(၂၁)ရက်အထိ ခွင့်ပြု ပေးထားခဲ့တယ်လို့ ရန်ကုန်မြို့တော် စည်ပင်သာယာရွေးကောက်ပွဲကော်မရှင် ဥက္ကဋ္ဌ ဦးအောင်ခိုင်က ပြောပါတယ်။ မတ်လ(၂၂)ရက်က စတင်ကာ မဲစာရင်းပြင်ဆင်ဖြည့်စွက်ပေးတာတွေကို မလုပ်ဆောင်ပေးတော့ဘူးလို့ ပြောပါတယ်။

မဲစာရင်းစတင်ထုတ်ပြန်ကြေညာချိန် ဆန္ဒမဲပေးပိုင်ခွင့်ရှိသူဦးရေ(၃.၄)သန်းရှိခဲ့ပြီး ဒီလိုပြင်ဆင်၊ဖြည့်စွက်၊ ပယ်ဖျက်တာတွေကို လုပ်ဆောင်ပေးခဲ့လို့ မဲစာရင်းအရေအတွက် ရာဂဏန်း၊ ထောင်ဂဏန်းခန့်ပြောင်းလဲ သွားနိုင်မယ်လို့လည်း ရန်ကုန်မြို့တော်စည်ပင်သာယာရွေးကောက်ပွဲကော်မရှင်ဥက္ကဋ္ဌ ဦးအောင်ခိုင်က ဆိုပါတယ်။ကော်မရှင်အနေနဲ့ မဲစာရင်းတွေကို ဖေဖော်ဝါရီလ(၂၇)ရက်က စတင်ထုတ်ပြန်ကြေညာခဲ့ပြီး ကနဦးမဲစာရင်းပြင်ဆင်ရက်အဖြစ် ဖေဖော်ဝါရီ(၂၇)ကနေ မတ်လ(၅)ရက်ထိ တစ်ပတ်တာခွင့်ပြုထားတယ်လို့ ကြေညာခဲ့တာဖြစ်ပါတယ်။ နောက်ပိုင်းမှာ မဲစာရင်းပြင်ဆင်မှုတွေကို  မတ်လ(၂၁)ရက်ထိ ခွင့်ပြုပေးခဲ့တာကြောင့် (၂၃)ရက်ကြာ မဲစာရင်းပြင်ဆင်၊ ဖြည့်စွက်၊ ကန့်ကွက်၊ ပယ်ဖျက်ခွင့်တွေရှိခဲ့ပါတယ်။

 

 

Related News