မတ်လ ၃၁ ရက်မှာ ပြုလုပ်မယ့် ရန်ကုန်မြို့တော်စည်ပင်သာယာရွေးကောက်ပွဲအပေါ် မဲဆန္ဒရှင်ပြည်သူတွေရဲ့ စိတ်ပါဝင်စားမှုအားနည်းနေတယ်လို့ မတ်လ ၂၄ ရက်က UMFCCI မှာ ပြုလုပ်ခဲ့တဲ့ ရန်ကုန်မြို့တော်စည်ပင်သာယာရေး ကော်မတီ၏ အရေးပါမှုအကြောင်း ဆွေးနွေးပွဲက သိရပါတယ်။ရန်ကုန်မြို့တော်စည်ပင်သာယာရွေးကောက်ပွဲကို ပြည်သူတွေ စိတ်ပါဝင်စားမှုက ဆယ်ရာခိုင်နှုန်းအောက်သာ ရှိနေတယ်လို့ ရွေးကောက်ခံကိုယ်စားလှယ်လောင်းတွေရဲ့ ပြောကြားချက်အရသိရပါတယ်။ ဒါကြောင့် UMFCCI မှာ ရန်ကုန်မြို့တော် စည်ပင်သာယာရေးကော်မတီရဲ့ အရေးပါမှုအကြောင်းကို စီးပွားရေး သုတေသီအကြံပေးပုဂ္ဂိုလ် ဒေါက်တာဇော်ဦး၊ Clean Yangon တည်ထောင်သူ ဒေါ်သဉ္ဇာအေး အပြင် ကိုယ်စားလှယ်လောင်းတွေက တက်ရောက်လာသူတွေနဲ့ အပြန်အလှန်ဆွေးနွေးခဲ့ကြပါတယ်။  ဒီဆွေးနွေးပွဲကတော့ ရန်ကုန်မြို့နေပြည်သူတွေက ရန်ကုန်မြို့တော်စည်ပင်သာယာရေးကော်မတီနဲ့ နေ့စဉ်လူနေမှုဘဝမှာတင် ပက်သက်စပ်ဆက်နေပြီး စည်ပင်ရွေးကောက်ပွဲမှာ  ပြည်သူတွေအနေနဲ့ ကိုယ်မဲပေးလိုတဲ့ ကိုယ်စားလှယ်လောင်းကို  မပျက်မကွက်မဲပေးဖို့ တိုက်တွန်းတဲ့ ဆွေးနွေးပွဲဖြစ်ပါတယ်။ရန်ကုန်မြို့တော်စည်ပင်သာယာရေးကော်မတီ၏ အရေးပါမှု၊ ရန်ကုန်မြို့နေပြည်သူများ၏ အခက်အခဲများ၊ လိုအပ်ချက်များနှင့် မျှော်လင့်ချက်များ ခေါင်းစဉ်နဲ့ ပြုလုပ်ခဲ့တဲ့ ဆွေးနွေးပွဲကို အပိုင်းနှစ်ပိုင်းခွဲခြား ကျင်းပခဲ့ပါတယ်။

ရွေးကောက်ပွဲအသိပညာပေးလုပ်ငန်းတွေကို ဆောင်ရွက်နေတာအားနည်းနေသေးပြီး အချို့ပြည်သူတွေက မဲစာရင်းကြည့်ဖို့နဲ့ မဲကို ဘယ်လိုပေးရမလဲဆိုတာတောင် မသိကြသေးဘူးလို့ ရွေးကောက်ခံမယ့် ကိုယ်စားလှယ်လောင်းတစ်ဦးက ပြောပါတယ်။ရန်ကုန်မြို့တော်စည်ပင်သာယာရွေးကောက်ပွဲအတွက် ကြိုတင်ပြင်ဆင်ရေးလုပ်ငန်းထဲက  မဲရုံကိုယ်စားလှယ် ထားရေးကိုတော့ တစ်သီးပုဂ္ဂလ ကိုယ်စားလှယ်လောင်းတွေ အနေနဲ့ အခက်အခဲကြုံနေတယ်လို့သိရပါတယ်။   မတ်လ(၃၁)ရက်မှာပြုလုပ်မယ့် ရန်ကုန်မြို့တော်စည်ပင်သာယာရွေးကောက်ပွဲမှာ စည်ပင်နယ်နမိတ်အတွင်း တစ်နှစ်နှင့်အထက်နေထိုင်ထားတဲ့ အသက်(၁၈)နှစ်ရှိပြီး မည်သူမဆို မဲပေးခွင့်ရှိလာတာကြောင့် အိမ်ထောင်စုတစ်ခုကို တစ်ဦးသာ မဲပေးခွင့်ရှိတဲ့ ယခင်(၂၀၁၄) စည်ပင်ရွေးကောက်ပွဲထက် မဲပေးပိုင်ခွင့်ရှိသူနဲ့မဲစာရင်းတွေ ပိုမိုများပြားလာမှာဖြစ်ပါတယ်။

 

 

Related News