ဒေါပုံမြို့နယ်နဲ့ပန်းဘဲတန်းမြို့နယ်မှာ AMI စနစ်ကိုအများပြည်သူများတရားဝင်သုံးစွဲနိုင်ဖို့အတွက် Application မိတ်ဆက်ပွဲကို ဧပြီလ(၂၃)ရက်က လျှပ်စစ်နှင့်စွမ်းအင်ဝန်ကြီးဌာန ရန်ကုန်လျှပ်စစ်ဓာတ်အားပေးရေးကော်ပိုရေးရှင်း မြို့နယ်လျှပ်စစ်မန်နေဂျာရုံး ပန်းဘဲတန်းမြို့နယ်မှာ ပြုလုပ်ခဲ့ပါတယ်။Advanced Metering Infrastructure လို့ခေါ်တဲ့(AMI) Applicationစနစ်ဟာ အများပြည်သူတွေရဲ့ လက်ကိုင်ဖုန်းကနေတစ်ဆင့် လျှပ်စစ်ဓာတ်အားသုံးစွဲမှုနဲ့ ဓာတ်အားခကျသင့်ငွေနဲ့ဓာတ်အားခပေးဆောင်နိုင်တဲ့ စနစ်ကိုအသုံးပြုနိုင်ဖို့အတွက် မိတ်ဆက်ခဲ့တာပါ။ AMIစနစ်ဟာ မီတာခ၊ လျှပ်စစ်ဓာတ်အားသုံးစွဲမှုတွေကိုလည်းကြည့်ရှုနိုင်သလို လအလိုက်သုံးစွဲထားတဲ့ လျှပ်စစ်ဓာတ်အားတွေကိုလည်း ကြည့်ရှုနိုင်အောင် ဆောင်ရွက်ပေးထားတယ်လို့သိရပါတယ်။

ဒီစနစ်အသုံးပြုတဲ့အခါမှာလည်း လက်ကိုင်ဖုန်းရဲ့ Play Store ကနေ Download ပြုလုပ်ပြီး အသုံးပြုနိုင်တယ်လို့သိရပါတယ်။ဒီစနစ်ကို အသုံးပြုနိုင်ဖို့အတွက် Ever Meter ကုမ္ပဏီအနေနဲ့ ပြီးခဲ့တဲ့(၂၀၁၇)ခုနှစ် သြဂုတ်လကတည်းက မြို့နယ်ခြင်း မတူတဲ့ Piolot Project အဖြစ် ဆောင်ရွက်ပေးခဲ့တာဖြစ်ပါတယ်။ဒီစနစ်ထဲမှာ ရေမီတာကိုလည်း  အသုံးပြုနိုင်အောင် Application ရေးဆွဲပေးထားတယ်လို့သိရပါတယ်။ ဒီစနစ်ကို သုံးစွဲတဲ့ အများပြည်သူတွေအနေနဲ့ မီတာဖတ်တာတွေနဲ့ မီတာရုံးတွေမှာ မီတာခ ပေးဆောင်ရတာတွေလည်း သက်သာသွားမယ်လို့သိရပါတယ်။ရန်ကုန်တိုင်းဒေသကြီးအတွင်းမှာ လျှပ်စစ်ဓာတ်အားသုံးစွဲသူဦးရေ (၁၃)သိန်း(၇)သောင်းရှိပြီး ဒီထဲကမှ ဒေါပုံမြို့နယ်နဲ့ ပန်းဘဲတန်းမြို့နယ်ရဲ့ လျှပ်စစ်ဓာတ်အားသုံးစွဲသူ (၃၅၀၀၀) ခွဲကိုသာ AMI စနစ်အသုံးပြုနိုင်အောင် Piolot Projectအနေနဲ့ ဆောင်ရွက်နိုင်သေးတယ်လို့သိရပါတယ်။ နောက်ပိုင်းမှာလည်း ကျန်ရှိနေတဲ့မြို့နယ်တွေကို (AMI)စနစ် အသုံးပြုနိုင်ဖို့ AMI မီတာပုံးတွေပါ နှစ်အလိုက်လဲလှယ်ပေးသွားမယ်လို့သိရပါတယ်။