ပြည်တွင်းက တီထွင်ဆန်းသစ်မှုတွေ လုပ်ဆောင်ချင်တဲ့လူငယ်တွေ ၊ မတူကွဲပြားတဲ့  စွန့်ဦးတီထွင်တာတွေ ဖန်တီးချင်သူတွေအတွက် လိုအပ်နေတဲ့ ဆုံချက်နေရာတစ်ခုအဖြစ် Yangon Innovation Centre ကို ဇူလိုင်(၁၇)ရက်က ဖွင့်လှစ်လိုက်ပြီဖြစ်ပါတယ်။Yangon Innovation Centre ဟာ ရန်ကုန်မြို့ ပန်းဆိုးတန်းလမ်းနဲ့ ကမ်းနားလမ်းထောင့် နန်းသီတာဆိပ်ကမ်းဘေး ၊ ကျန်းမာရေးဆိပ်ကမ်းဝန်းနေရာမှာ ရှိတာ ဖြစ်ပါတယ်။ ရန်ကုန်တိုင်းဒေသကြီးအစိုးရအဖွဲ့ရဲ့ အစီအစဉ်နဲ့ ဆွစ်ဇာလန်အခြေစိုက် SeedStar ကုမ္ပဏီက တာဝန်ယူအကောင်အထည်ဖော်ခဲ့တာဖြစ်ပါတယ်။

ပြည်တွင်းရဲ့ ပထမဆုံး Yangon Innovation Centre ကို နိုင်ငံတော်၏အတိုင်ပင်ခံပုဂ္ဂိုလ် တက်ရောက်ဖွင့်လှစ်ပေးခဲ့ပြီး ၀န်ကြီးဌာနအလိုက် ပြည်ထောင်စုဝန်ကြီးတွေ ၊ ရန်ကုန်တိုင်းဒေသကြီး အစိုးရအဖွဲ့ဝင်တွေ ၊ နယ်ပယ်အလိုက်လုပ်ငန်းရှင်တွေနဲ့ လူငယ်တွေတက်ရောက်ခဲ့ကြပါတယ်။ တိုးတက်ပြောင်းလဲနေတဲ့ နည်းပညာကိုစိတ်ဝင်စားတဲ့ လူငယ်တွေ ၊ ဖန်တီးမှုတွေလုပ်ဆောင်ချင်ပေမယ့် နေရာတစ်ခုလိုအပ်နေသူတွေအတွက် အရေးပါတဲ့စုရပ်တစ်ခုဖြစ်လာမှာဖြစ်သလို ၊ နည်းပညာ ကျောင်းသား၊ကျောင်းသူတွေအတွက် ပညာရပ်ပိုင်းဆိုင်ရာဖလှယ်မှုတွေ ၊ အတူပူးပေါင်းဆောင်ရွက်မှုတွေ လုပ်ဆောင်နိုင်မယ့် နေရာတစ်ခုဖြစ်လာဖို့ မျှော်မှန်းထားတယ်လို့သိရပါတယ်။

Yangon Innovation Centre ဖွင့်ပွဲအပြီးမှာတော့ နိုင်ငံတော်၏အတိုင်ပင်ခံပုဂ္ဂိုလ်အနေနဲ့ နိုင်ငံတကာ တီထွင်ဆန်းသစ်မှုပြိုင်ပွဲတွေမှာ အောင်မြင်မှုရခဲ့တဲ့ လူငယ်တွေရဲ့ထုတ်ကုန်တွေကို လိုက်လံကြည့်ရှုအားပေးခဲ့ပါတယ်။ Yangon Innovation Centre မှာ ဇူလိုင်(၁၇)ရက်နဲ့ (၁၈)ရက် နှစ်ရက်တာမှာ နည်းပညာနဲ့ ပြည်တွင်းထုတ်ကုန်တွေကိုလည်း ပြသထားမှာဖြစ်ပါတယ်။ ဒီစင်တာကနေ နှစ်စဉ်လူငယ်စွန့်ဦးတီထွင်သူတွေ မွေးထုတ်ပေးဖို့ရည်မှန်းထားတာဖြစ်ပြီး ဒီလူငယ်တွေရဲ့ တီထွင်စဉ်းစားမှုတွေကနေ နိုင်ငံရဲ့လိုအပ်ချက်တွေအပေါ် နည်းပညာပိုင်းအရ ပြန်လည်အထောက်အကူ ပေးနိုင်ဖုိ့ရည်ရွယ်ထားတာဖြစ်ပါတယ်။

Yangon Innovation Centre အတွက် ရန်ကုန်တိုင်းဒေသကြီးအစိုးရအဖွဲ့က ၂၀၁၈ ဇန်န၀ါရီလ(၅)ရက်မှာ တင်ဒါခေါ်ယူခဲ့တာဖြစ်ပြီး ပြည်တွင်းပြည်ပအဖွဲ့အစည်း(၆)ဖွဲ့ ထဲက SeedStar ကုမ္ပဏီကလုပ်ကိုင်ခွင့်ရခဲ့တာဖြစ်ပါတယ်။ စတုရန်းပေ တစ်သောင်းကျော်ရှိတဲ့ ဒီစင်တာအဆောက်အဦအတွက် အမေရိကန်ဒေါ်လာ(၂) သိန်းခွဲကုန်ကျ ခဲ့တာဖြစ်ပြီး B.O.T စနစ်နဲ့ (၅)နှစ်လုပ်ကိုင်ခွင့်ပြုထားတာဖြစ်ပါတယ်။