မြန်မာနိုင်ငံဥာဏ်ရည်မမီ အားကစားအဖွဲ့က ဦးစီးဖွင့်လှစ်တဲ့ Games & Games Play Program နည်းပြသင်တန်းကို သြဂုတ်လ (၂၅)ရက် မနက် (၈)နာရီက မြောက်ဒဂုံမသန်စွမ်းအဖွဲ့ချူပ်မှာ ဖွင့်လှစ်သင်ကြားပေးခဲ့ပါတယ်။ 
မြန်မာနိုင်ငံဥာဏ်ရည်မမီအားကစားအဖွဲ့ကို ၂၀၀၄ ခုနှစ်မှာစတင်ဖွဲ့စည်းခဲ့တာဖြစ်ပြီး Games &  Games Play    Program နည်းပြသင်တန်းကို အခုတစ်ကြိမ်မှ ပထမဆုံးစတင်ဖွင့်လှစ်ပေးခဲ့တယ်လို့လည်း သိရပါတယ်။

ဒီသင်တန်းမှာ သင်ကြားပေးနေတဲ့ ဆရာ ၊ ဆရာမများက ဥာဏ်ရည်မမီသူများကို တစ်ဦးချင်းဝါသနာပါတဲ့ အားကစားနည်းများအား ကျွမ်းကျင်စွာ စနစ်တကျလေ့ကျင့်သင်ကြားပေးတတ်စေရန် ၊ ဥာဏ်ရည်မမှီသူများအားလုံး ကိုယ်ကာယကြံ့ခိုင်မှု ကောင်းမွန်လာအောင် ကူညီဆောင်ရွက်ပေးတတ်စေရန် ရည်ရွယ်ချက်နဲ့ အခုလို သင်တန်းကို ဖွင့်လှစ်ခဲ့တာလည်းဖြစ်ပါတယ်။အခုသင်တန်းမှာ ဥာဏ်ရည်မမှီသူများကို ပညာသင်ကြားပေးနေတဲ့ ဆရာ ၊ ဆရာမ (၃၀)ကျော်က တက်ရောက်သင်ကြားနေတာဖြစ်ပါတယ်။ Games & Games Play Program သင်တန်းက အားကစား နဲ့ပတ်သက်တာတွေကို  သင်ကြားပေးတဲ့သင်တန်းဖြစ်ပြီး ဥာဏ်ရည်မမီသူများ ကစားလို့ရမယ့် အားကစား   နည်းအခြေခံများကို စနစ်တကျသင်ကြားပေးမှာဖြစ်ပါတယ်။Games & Games Play Program နည်းပြသင်တန်းကို သြဂုတ်လ (၂၅)ရက် ကနေ သြဂုတ်လ (၂၇)ရက်ထိ    မြောက်ဒဂုံမသန်စွမ်းအဖွဲ့ချူပ်မှာ (၃)ရက်တိုင်တိုင် သင်ကြားပေးသွားမယ်လို့လည်း သိရပါတယ်။

 

 

 

Related News