ရန်ကုန်တိုင်းဒေသကြီး အမျိုးသမီးအားကစားဆပ်ကော်မတီမှ ကြီးမှူးကျင်းပတဲ့ အမျိုးသမီးကိုယ်ကာယကြံ့ခိုင်မှုပြိုင်ပွဲနဲ့ တေးဂီတ ဖျော်ဖြေပွဲကို စက်တင်ဘာလ(၉)ရက်က မင်းဓမ္မလမ်းမှာရှိတဲ့ MCC မှာ ကျန်းမာကြံ့ခိုင်ပြီး ထူးချွန်ထက်မြက်တဲ့ လူငယ်တွေပေါ်ထွက်လာဖို့အတွက် ရည်ရွယ်ပြီးကျင်းပတဲ့ ဒီပြိုင်ပွဲကို (၂၀၁၇) ခုနှစ်က စတင်ကျင်းပခဲ့တာဖြစ်ပြီး အခုနှစ်က ဒုတိယအကြိမ်မြောက်အဖြစ် ကျင်းပတာဖြစ်ပါတယ်။ ပြိုင်ပွဲကို အငယ်တန်းနဲ့ အကြီးတန်းဆိုပြီး ပြိုင်ပွဲအမျိုးအစား (၂) မျိုးနဲ့ ကျင်းပခဲ့တာဖြစ်ပြီး အငယ်တန်းပြိုင်ပွဲ အဖြစ် အရပ် ၅ပေ ၃လက်မအောက်ပြိုင်ပွဲကို ပြိုင်ပွဲဝင် (၁၉)ဦးနဲ့ အကြီးတန်းပြိုင်ပွဲဖြစ်တဲ့ အရပ် ၅ပေ ၃လက်မ အထက်ပြိုင်ပွဲမှာ ပြိုင်ပွဲဝင် (၁၁)ဦး စုစုပေါင်းပြိုင်ပွဲဝင် အယောက် (၃၀)၀င်ရောက်ယှဉ်ပြိုင်ခဲ့ပါတယ်။

ပြိုင်ပွဲမှာ တစ်ဦးချင်းယှဉ်ပြိုင်မှု၊ အပြည်ပြည်ဆိုင်ရာ သတ်မှတ်ကိုယ်ဟန် (၇) မျိုးတို့နဲ့ ယှဉ်ပြိုင်ခဲ့ကြပြီး ၀င်ရောက်ယှဉ်ပြိုင်တဲ့ ပြိုင်ပွဲဝင်အယောက် (၃၀) ထဲက ဆန်ကာတင်ပြိုင်ပွဲဝင်တွေကို ရွေးချယ်ခဲ့ပါတယ်။ ဆက်လက်ပြီးတော့ ဆုချီးမြှင့်ပွဲကိုကျင်းပခဲ့ရာ အငယ်တန်းနဲ့အကြီးတန်းပြိုင်ပွဲမှာ ပထမဆုကို (၄) သိန်း၊ ဒုတိယဆုကို (၃) သိန်း နဲ့ တတိယဆုကို (၂) သိန်းစီချီးမြှင့်ခဲ့ပါတယ်။အခုကျင်းပခဲ့တဲ့ ပြိုင်ပွဲမှာ အငယ်တန်းနဲ့ အကြီးတန်းပြိုင်ပွဲကနေ ပထမဆုရရှိတဲ့သူတွေက နိုဝင်ဘာလမှာ ကျင်းပမယ့် တိုင်းဒေသကြီးနဲ့ပြည်နယ်အမျိုးသမီးကိုယ်ကာယကြံ့ခိုင်မှုပြိုင်ပွဲကို ရန်ကုန်တိုင်းဒေသကြီးကိုယ်စား ပြုအဖြစ်ယှဉ်ပြိုင်သွားရမှာဖြစ်တယ်လို့သိရပါတယ်။

 

 

Related News