မီတာ (၂၀၀) အမျိုးသားနဲ့ အမျိုးသမီးတစ်ဦးချင်းပြိုင်ပွဲ တွေမှာ မြန်မာပြေးခုန်ပစ်ကစားသမားတွေအနေနဲ့ နောက်ဆုံးမှသာပန်းဝင်နိုင်ခဲ့တာကြောင့် ဗိုလ်လုပွဲနဲ့လွဲချော်ခဲ့ ရပါတယ်။ဒီကနေ့မနက်ပိုင်းမှာယှဉ်ပြိုင်ခဲ့တဲ့ အာဆီယံတက္ကသိုလ်များအားကစားပြိုင်ပွဲ၊ ပြေးခုန်ပစ်ပြိုင်ပွဲရဲ့ မီတာ (၂၀၀) အမျိုးသားနဲ့ အမျိုးသမီးတစ်ဦးချင်းပြိုင်ပွဲ တွေမှာ မြန်မာပြေးခုန်ပစ်ကစားသမားတွေအနေနဲ့ နောက်ဆုံးမှသာ ပန်းဝင်နိုင်ခဲ့တာကြောင့် ဗိုလ်လုပွဲနဲ့လွဲချော်ခဲ့ရတာပါ။ မြန်မာပြေးခုန်ပစ်ကစားသမားတွေဟာ ဒီပြိုင်ပွဲကသူတို့ရဲ့ ပထမဆုံးနိုင်ငံတကာပြိုင်ပွဲဖြစ်တဲ့အတွက် ပြည်ပကစားသမားတွေနဲ့ယှဉ်ပြိုင်တဲ့အခါမှာ ခက်ခဲမှုတွေရှိတယ်လို့ ပြောပြထားပါတယ်။ ဒီပြိုင်ပွဲအမျိုးအစားမှာ အမျိုးသားပြိုင်ပွဲမှာ နိုင်ငံ (၅) နိုင်ငံမှ ကစားသမား (၁၀) ဦး၊ အမျိုးသမီးပြိုင်ပွဲမှာ နိုင်ငံ (၅) နိုင်ငံမှ ကစားသမား (၁၀) ဦးစီပါဝင်ယှဉ်ပြိုင်ခဲ့ကြပြီး၊ မြန်မာနိုင်ငံက ကစားသမား (၄) ဦးအထိပါဝင်ယှဉ် ပြိုင်ခဲ့တာဖြစ်ပါတယ်။ အာဆီယံတက္ကသိုလ်များအားကစားပြိုင်ပွဲမှာ ပြေးခုန်ပစ်အားကစားနည်းကို ဒီဇင်ဘာလ (၁၃) ရက်ကစတင် ကျင်းပခဲ့ပြီး၊ မြန်မာပြေးခုန်ပစ်အသင်းက လက်ရှိအချိန်အထိ ငွေတံဆိပ်ဆု (၁) ခုနဲ့ ကြေးတံဆိပ်ဆု (၂) ခုတို့ ကိုရယူထားနိုင်ခဲ့ပါတယ်။

 

 

 

Related News