မြန်မာလက်ရွေးစင်အသင်းရဲ့ ခြေစမ်းပွဲစဉ်၊ မြန်မာယူ-၂၃အသင်းရဲ့ အာရှချန်ပီယံရှစ် ခြေစစ်ပွဲစဉ်တွေကြောင့် ပွဲစဉ်(၅)အပြီးမှာ တစ်လနီးပါးရပ်နားထားခဲ့တဲ့ မြန်မာနေရှင်လိဂ်ပြိုင်ပွဲကို လာမယ့်မတ်လ(၃၀)ရက်မှာ ပြန်လည်  ယှဉ်ပြိုင်တော့မှာဖြစ်ပြီး အဆင့်(၁)နေရာက ရန်ကုန်ယူနိုက်တက်အသင်းဟာ ပွဲစဉ်(၆)မှာအမှားခံလို့မရတဲ့ပွဲစဉ် တစ်ပွဲကို ယှဉ်ပြိုင်ကစားရဖို့ရှိနေပါတယ်။ရန်ကုန်ယူနိုက်တက်အသင်းဟာ မြန်မာနေရှင်နယ်လိဂ်ပွဲစဉ်(၅)အပြီးမှာ (၃)ပွဲနိုင်၊ (၁)ပွဲသရေ၊ (၁)ပွဲရူံး ရမှတ် (၁၀)မှတ်နဲ့ အမှတ်ပေးဇယားအဆင့်(၁)နေရာမှာရှိနေပြီး အဆင့်(၂)နေရာက ဟံသာဝတီယူနိုက်တက်အသင်း နဲ့ရမှတ်တူ ဂိုးကွာခြားချက်အခြေအနေနဲ့ ရပ်တည်နေတာပါ။ လိဂ်ပြိုင်ပွဲပြန်လည်စတင်တဲ့ ပွဲစဉ်(၆)မှာတော့ အဆင့်(၄)နေရာမှ ဧရာဝတီယူနိုက်တက်အသင်းနဲ့ ယှဉ်ပြိုင်ကစားမှာဖြစ်ပြီး (၂)သင်းကြား၊ ရမှတ်(၁)မှတ်သာ ကွာဟတာဖြစ်ပါတယ်။

ရန်ကုန်ယူနိုက်တက်နဲ့ ယှဉ်ပြိုင်ကစားမယ့် ဧရာဝတီယူနိုက်တက်အသင်းကတော့ ယခုနှစ်ရာသီ မြန်မာနေရှင် နယ်လိဂ်မှာ ပြင်ဆင်မူအားအကောင်းဆုံးအသင်းဖြစ်ပြီး ပွဲစဉ်(၅)ပွဲယှဉ်ပြိုင်ကစားထားရာမှာ (၂)ပွဲနိုင်၊ (၃)ပွဲ သရေရလဒ်နဲ့ ယခုနှစ်ပြိုင်ပွဲမှာရူံးပွဲမရှိသေးတဲ့အသင်းဖြစ်ပါတယ်။မြန်မာနေရှင်နယ်လိဂ် ပွဲစဉ်(၆)ရဲ့ ပွဲကောင်းတစ်ပွဲဖြစ်တဲ့ ရန်ကုန်ယူနိုက်တက်အသင်းနဲ့ ဧရာဝတီယူနိုက်တက်အသင်းတို့ယှဉ်ပြိုင်ကစားမယ့်ပွဲစဉ်ကိုတော့ မတ်လ(၃၀)ရက်၊ စနေနေ့၊ နေ့လည် (၃)နာရီခွဲအချိန်မှာ YUSC ကွင်းမှာ ယှဉ်ပြိုင်ကစားမှာဖြစ်ပြီး MRTV- 4 ရုပ်သံလိုင်းနဲ့ My sports facebook page တို့မှတိုက်ရိုက်ထုတ် လွင့်ပြသသွားမှာဖြစ်ပါတယ်။

 

 

 

 

Related News