မြန်မာနိုင်ငံဂေါက်သီးအဖွဲ့ချူပ်က ဂေါက်သီးအားကစားပြန်လည်အောင်မြင်ရန်အတွက် လူငယ်ကစားသမားများ  များမွေးထုတ်ပေးဖို့ ရှိပြီး အဆိုပါကစားသမားများ အတွေ့အကြုံရရှိစေရန် ပြည်ပပြိုင်ပွဲများ စေလွှတ်သွားဖို့ရှိတဲ့   သတင်းကိုတင်ဆက်ပေးချင်ပါတယ်။ မြန်မာနိုင်ငံဂေါက်သီးအားကစားနည်းကတော့ ဆုတံဆိပ်တွေနဲ့ကင်းကွာနေတာကြာခဲ့ပြီးဖြစ်ပေမဲ့ ၂၀၁၈ခုနှစ်   မှာ အောင်မြင်မှုတွေ ပြန်လည်ရယူနိုင်ခဲ့တာကိုလည်းတွေ့ခဲ့ရပါတယ်။လက်ရှိမှာ မြန်မာနိုင်ငံဂေါက်သီးအဖွဲ့  ချူပ်က လူငယ်မျိူးဆက်သစ်များမွေးထုတ်နိုင်ရန် အတွက် တစ်လတစ်ခါ ပြည်တွင်းပြိုင်ပွဲများကျင်းပပြုလုပ်ပေး   လျက်ရှိသလို လက်ရှိပဏာမရွေးချယ်ခံထားရတဲ့ ဂေါက်သီးအားကစားသမားများ ပြိုင်ပွဲအတွေ့အကြုံရရှိနိုင်ရန်    အတွက်လည်း ပြည်ပပြိုင်ပွဲများကို မြန်မာနိုင်ငံဂေါက်သီးအဖွဲ့ချူပ်က အကုန်ကျခံကာ စေလွှတ်ယှဉ်ပြိုင်နေတာ   ကိုလည်း သိရပါတယ်။

လက်ရှိမှာ ဂေါက်သီးအားကစားသမားတွေက လေ့ကျင့်ဖို့အတွက် ကွင်းအခက်အခဲရှိနေတာကိုတွေ့ရပြီး မြန်မာ    နိုင်ငံမှာ အဆင့်မှီဂေါက်သီးအားကစားကွင်း (၂)ကွင်းလောက်သာရှိတာလည်းဖြစ်ပါတယ်။မြန်မာနိုင်ငံဂေါက်သီး   အဖွဲ့ချူပ်က လူငယ်ကစားသမားစီမံကိန်းကို အဓိကထားပြုလုပ်နေပြီး အသက်(၁၁)နှစ်အရွယ်ကစားသမားများ   ကို အခြေခံမှစတင်ကာစနစ်တကျသင်ကြားပေးနေတာလည်းဖြစ်ပါတယ်။ဒါ့အပြင် ဂေါက်သီးအားကစားနည်းကို      ၀ါသနာပါတဲ့ကလေးငယ်များကိုလည်း ဂေါက်သီးအဖွဲ့ချူပ်က သင်ကြားရေးမှာ လိုအပ်တဲ့ပစ္စည်းများကိုလည်း   ထောက်ပံ့ပေးသွားမယ်လို့ သိရပါတယ်။

မြန်မာနိုင်ငံဂေါက်သီးအဖွဲ့ချူပ်က လက်ရှိ ၂၀၁၉ ဆီးဂိမ်းမှာဝင်ရောက်ယှဉ်ပြိုင်ရန် လူရွေးချယ်မှုအပိုင်းမှာ  Plan (A) နဲ့ Plan (B)ဆိုပြီး (၂)မျိူးခွဲထားတာကိုတွေ့ရပြီး ဆီးဂိမ်းပြိုင်ပွဲမှာတော့ Plan (A)မှ အမျိူးသား ကစား    သမား (၃)ဦး နဲ့ အမျိူးသမီး ကစားသမား(၃)ဦးတို့ကိုသာ ယှဉ်ပြိုင်စေမှာပဲဖြစ်ပါတယ်။

 

 

Related News