ရန်ကုန်တိရစ္ဆာန်ဥယျာဉ်အတွင်းဖွင့်လှစ်ထားတဲ့ Wall Climbing (နံရံတွယ်တက်အားကစားနည်း)ကို ပြည်သူတွေအနေနဲ့ စိတ်ပါဝင်စားမှု နည်းပါးနေသေးတယ်လို့ Yangon Zoo Zip Line  Adventure Unitက တာဝန်ရှိသူကပြောပါတယ်။ရန်ကုန်တိရစ္ဆာန်ဥယျာဉ်အတွင်းမှာ နံရံတွယ်တက်အားကစားနည်းကို တောင်တက်တာကို ၀ါသနာပါတဲ့ ကစားသမားတွေနဲ့လူငယ်တွေအတွက် အဓိကရည်ရွယ်ပြီးဖွင့်လှစ်ခဲ့တာ ဖြစ်ပါတယ်။ လက်ရှိအချိန်မှာတော့ မိုးတွင်းကာလ ရောက်ရှိနေတာကြောင့် နံရံတွယ်တက်ကစားနည်းကို လာရောက်ကစားတဲ့ပြည်သူတွေ နည်းပါးနေသလို အဆိုပါကစားနည်းကို သိရှိသူတွေ နည်းပါးနေသေးတယ်လို့ သိရပါတယ်။

နံရံတွယ်တက်အားကစားနည်းက အမြင့်ပေ(၅၀)ရှိပြီး အသက်(၅)နှစ်နဲ့ အထက်၊ကိုယ်အလေးချိန် ပေါင်(၉၀)ကနေ (၂၅၀)အတွင်းရှိသူတွေ ကစားနိုင်ပြီး တစ်ကြိမ်လျင် (၃)ခေါက် ဆော့ကစားနိုင်တယ်လို့ သိရပါတယ်။ ဒါ့အပြင် နံရံတွယ်တက်အားကစားနည်းကို အရိုးပွရောဂါရှိသူတွေ၊ အရိုးကြွပ်ဆတ် ရောဂါရှိသူတွေနဲ့ ခါးနာရောဂါရှိသူတွေကတော့ ဒီကစားနည်းကို မကစားသင့်ဘူးလို့ သိရပါတယ်။ နံရံတွယ်တက်အားကစားနည်းကို ကစားတဲ့ပြည်သူတွေ လုံခြုံမှုအပိုင်းကိုလည်း အဓိကထားပြီး လုပ်ဆောင်ထားတဲ့အတွက် ကစားတဲ့ပြည်သူတွေအနေနဲ့ စိတ်ချအဆင်ပြေမှုရှိတယ်လို့ သိရပါတယ်။ရန်ကုန်တိရစ္ဆာန်ဥယျာဉ်အတွင်းကို လာရောက်လည်ပတ်တဲ့ ပြည်သူတွေ များပြားလာစေဖို့အတွက် နံရံတွယ်တက်အားကစားနည်း ၊ Zip Line ကစားနည်း၊ အမြင့်မှ ခုန်ချတဲ့ အားကစားနည်းနဲ့ သစ်ပင်တွယ်တက်ကစားနည်းတို့ကိုပါ  ထည့်သွင်းဖွင့်လှစ်ထားတာ ဖြစ်ပါတယ်။

 

 

Related News