အယ်နီညိုရာသီဥတုဆက်လက်ဖြစ်ပေါ်နေသလို မိုးရွာသွန်းမှု အလားအလာ နည်းပါးတာကြောင့် ရာသီဥတု ဆက်လက်ပူပြင်းနိုင်တယ်လို့ မိုးလေ၀သပညာရှင်ဒေါက်တာထွန်းလွင်ကပြောပါတယ်။အယ်နီညိုရာသီဥတုဟာ ပြီးခဲ့တဲ့ အောက်တိုဘာလ(၆)ရက်မှာ စတင်ဖြစ်ပေါ်ခဲ့ပြီး (၂၀၁၉)ခုနှစ်မတ်လကုန်မှာပြီးဆုံးမယ်လို့ ခန့်မှန်းထားပေမယ့်မပြီးဆုံးဘဲ မတ်လဆန်းမှာ အားပြန်ကောင်းလာတယ်လို့သိရပါတယ်။လက်ရှိ အချိန်အထိလည်း ဆက်လက်ဖြစ်ပေါ်နေပြီး အခုနှစ်စက်တင်ဘာ၊ အောက်တိုဘာထိ ဆက်လက်တည်ရှိနိုင်တယ်လို့သိရပါတယ်။ဒါ့အပြင် အခုရက်ပိုင်းမှာ အယ်နီညိုစ ဖြစ်တဲ့ ဧရိယာ (၄)ခုကို စာင့်ကြည့်နေပြီး  တစ်ချို့ရက်တွေမှာတော့  ဧရိယာ(၄)ခုလုံးဖြစ်ကာ  တစ်ချို့ရက်မှာတော့အနည်းဆုံး (၃)ခုလောက်ဖြစ်နေပြီး အားကလည်း အနည်းငယ်မှ အသင့်အတင့်   ပြန်တက်လာတယ်လို့သိရပါတယ်။

မြန်မာနိုင်ငံမှာ လက်ရှိအချိန်ထိ မိုးရွာနိုင်တဲ့ဖြစ်စဉ် (၃)မျိုး ရှိပြီး ဒေသအလိုက်ဖြစ်တဲ့ မိုးတိမ်တောင်မှ တစ်ဆင့်မိုးရွာတာ၊ဘင်္ဂလားပင်လယ်အော်မှာ မုန်တိုင်းဖြစ်ရင်မိုးရွာတာ၊ အရှေ့ဖက်ကမုန်တိုင်းအကြွင်းအကျန်လေပွေလှိုင်းမှတစ်ဆင့် မိုးရွာသွန်းတာတွေဖြစ်ပေါ်နိုင်တာပါ။     ဒါပေမယ့် လက်ရှိအချိန်မှာတော့ မိုးတိမ်တောင်မှတစ်ဆင့် မိုးရွာနိုင်တဲ့အလားအလာရှိပြီး ဒါကလည်း မြန်မာနိုင်ငံမြောက်ဖျားပိုင်းနဲ့ တောင်ဖျားပိုင်းမှာသာဖြစ်ပေါ်နိုင်ဖို့ အလားအလာပိုများတယ်လို့သိရပါတယ်။ပြီးခဲ့တဲ့ (၂၀၁၅)၊(၂၀၁၆)၊(၂၀၁၇)၊(၂၀၁၈) ခုနှစ်တွေဟာ  ကမ္ဘာ့သမိုင်းမှာ အပူဆုံး(၄)နှစ်ဖြစ်ခဲ့ပြီး (၂၀၁၉)ခုနှစ်က (၂၀၁၈)ခုနှစ်ထက်ပိုပူနိုင်တယ်လို့ ခန့်မှန်းထားတယ်လို့သိရပါတယ်။

 

 

Related News