ဇူလိုင်လ(၁၆)ရက် ဝါဆိုလပြည့်နေ့မှာ မန္တလေးမြို့ မဟာမုနိရုပ်ရှင်တော်မြတ်ကြီးမှာ လာရောက်ဖူးမျှော်ကြည်ညိုသူများနဲ့စည်းကားနေပါတယ်။ဝါဆိုလပြည့်ဓမ္မစင်္ကြာအခါတော်နေ့ဟာ ဗုဒ္ဓဘာသာဝင်တို့ရဲ့နေ့ထူးနေ့မြတ်တွေထဲကတစ်ရက်ဖြစ်ပါတယ်။ ဒီလိုဝါဆိုလပြည့်နေ့မှာ မြန်မာနိုင်ငံအရပ်ရပ်က တန်ခိုးကြီးဘုရားစေတီပုထိုးတွေနဲ့ အမြို့မြို့အနယ်နယ်က ဘုရားစေတီပုထိုးတွေမှာ ဝါဆိုသင်္ကန်း၊ ဝါဆိုပန်းကပ်လှူတာ၊ ဆွမ်းကပ်လှူတာ၊ ဥပုသ်သီလဆောက်တည်တာနဲ့ ကောင်းမှုကုသိုလ်တွေလည်း အသီးသီးပြုလုပ်ကြပါတယ်။ ဝါဆိုလပြည့်နေ့မှာ မန္တလေးမြို့ အထင်ကရတန်ခိုးကြီးဘုရားတစ်ဆူဖြစ်တဲ့ မဟာမုနိရုပ်ရှင်တော်မြတ်ကြီးမှာ နံနက်အစောပိုင်းကစပြီး ရဟန်းရှင်လူအများပြည်သူနဲ့အနယ်နယ်အရပ်ရပ်က လာရောက်ဖူးမျှော်ကြည်ညိုကြသူတွေနဲ့ စည်ကားလျှက် ရှိနေပါတယ်။ လာရောက်ဖူးမျှော်ကြည်ညိုကြသူတွေက မဟာမုနိဘုရားကြီးကို နံနက်(၄)နာရီဝန်းကျင် မျက်နှာသစ်တော်အမီ ဖူးမျှော်တာ၊ ဝါဆိုပန်းကပ်လှူတာ၊ ရွှေသင်္ကန်းကပ်လှူတာ၊ ရေသပ္ပါယ်တာ၊ ကောင်းမှုကုသိုလ် အသီးသီးပြုလုပ်နေကြတာကိုတွေ့မြင်ရတယ်။

ဗုဒ္ဓဘာသာကိုသက်ဝင်ယုံကြည်သူတွေအတွက် ဝါဆိုလပြည့်နေ့ဟာဂေါတမမြတ်စွာဘုရား ပဋိသန္ဓေတည်သောနေ့၊ သူအို၊သူနာ၊သူသေ၊ရဟန်းနိမိတ်ကြီးလေးပါးကို နတ်များဖန်ဆင်းပြရာမှာ သံဝေဂရပြီး တောထွက်တော်မူတဲ့နေ့၊ဘုရားအဖြစ်သို့ရောက်ပြီးနောက်ဓမ္မစင်္ကြာတရားဟောတော်မူတဲ့နေ့လို့သိရှိမှတ်သားရပါတယ်။

 

 

Related News