အနောက်တောင်မုတ်သုံလေကြောင့် အပူပိုင်းမုန်တိုင်းတွေနဲ့ မုန်တိုင်းတွေဖိလစ်ပိုင်နိုင်ငံကို ဆက်တိုက်ဝင်ရောက်နေတာကြောင့် မိုးကြီးနေတဲ့အတွက် ဖိလစ်ပိုင်နိုင်ငံမြောက်ပိုင်းနဲ့ လူဇွန်ကျွန်းအလယ်ပိုင်းတို့မှာ ရေလွှမ်းမိုးနေဆဲဖြစ်ပါတယ်။ ဘူလကန်ပြည် နယ်မှာ (၃)ပေလောက်ရှိတဲ့ရေလွှမ်းမိုးမှုတွေကြောင့် ကောက်ပဲသီးနှံတွေနဲ့ ငါးဖမ်းလုပ်ငန်းတွေမှာ ထိခိုက်ခဲ့ပါတယ်။ ဒေသခံတွေ အနေနဲ့ သွားလာရာမှာ လှေကိုသာအားကိုးနေရပြီး အထပ်မြင့်တွေမှာနေနေရတာတွေရှိနေတဲ့အပြင် တချို့တွေက အိမ်ခေါင်မိုး တွေပေါ်တက်နေကြရပါတယ်။

မြေနိမ့်ပိုင်းမှာရှိတဲ့ ကာလမ်ပစ်မြို့ကို တခြားမြို့တွေကရေတွေစီးလာတာကြောင့် အဲဒီမြို့ဟာ ရေဒဏ်အဆိုးဆုံးခံရတဲ့ဒေသဖြစ်နေပါတယ်။ ဒေသအာဏာပိုင်တွေက အခြေအနေကိုစောင့်ကြည့်နေကြပြီး အထိအခိုက်များနေ တာကြောင့် ရေထွက်ပစ္စည်းတွေရဲ့ဈေးတွေတက်နေတယ်လို့ သိရပါတယ်။ မုတ်သုန်မိုးကြောင့် လူဇွန်ကျွန်းနဲ့ ၀ိစာရကျွန်းတို့မှာ ထိခိုက်မှုတွေရှိနေပြီး အနောက်တောင်မုတ်သုန်လေကြောင့် ဖိလစ်ပိုင်နိုင်ငံရဲ့နေရာတော်တော်များများမှာ မိုးကြီးနေတဲ့အပြင် မိုး ကြိုးမုန်တိုင်းတွေလည်းဖြစ်နေပါတယ်။

 

 

Related News