မြောက်ဥက္ကလာပဆေးရုံရဲ့ သွေးလိုအပ်မှုတွေကို ၂၀၁၈ ခုနှစ် ဖေဖော်ဝါရီလကစပြီး အမျိုးသားသွေးဌာနက ထောက်ပံ့ပေးနေရပြီလို့ အမျိုးသားသွေးဌာနက ပြောပါတယ်။ ပြီးခဲ့တဲ့နှစ်တွေကတော့ အမျိုးသားသွေးဌာနအနေနဲ့ အစိုးရဆေးရုံ(၁၁)ရုံကိုသာ လိုအပ်တဲ့သွေး ထောက်ပံ့ပေးနေပြီး အခုနှစ် ဆန်းကစလို့ မြောက်ဥက္ကလာပဆေးရုံရဲ့ သွေးလိုအပ်မှုတွေကိုပါထောက်ပံ့ပေးနိုင်နေပြီလို့သိရပါတယ်။ မြောက်ဥက္ကလာပဆေးရုံက နည်းပညာပိုင်းလိုအပ်ချက်နဲ့  သွေးအလှူရှင် မရှာနိုင်သေးတာကြောင့် အမျိုးသားသွေးဌာနက သွေးတွေကို ပို့ပေးနေရတယ်လို့ ပြောပါတယ်။

အမျိုးသားသွေးဌာနကနေ မြောက်ဥက္ကလာပဆေးရုံကို  လစဉ် သန့်စင်ပြီးသားသွေးပုလင်း (၂၅၀၀)၀န်းကျင် ထောက်ပံ့ပေးနေတယ်လို့သိရပါတယ်။ လက်ရှိထောက်ပံ့ပေးနေရတဲ့ မြောက်ဥက္ကလာပဆေးရုံအပါအဝင် အစိုးရဆေးရုံ(၁၂)ရုံကို ပေးပို့နေတဲ့သွေး အသုံးပြုမှုကို စစ်ဆေးဖို့ (၂၀၁၈)ခုနှစ်ထဲ ပြုလုပ်သွားမှာဖြစ်တယ်လို့ သိရပါတယ်။အမျိုးသားသွေးဌာနအနေနဲ့ လစဉ်ပုံမှန်သွေးလှူဒါန်းနေတဲ့ လူနာတွေကို သွေးလှူဒါန်းဖို့ တစ်လကြိုတင်ဆက်သွယ်ကာ မေးမြန်းတယ်လို့သိရပါတယ်။ ရရှိနိုင်မယ့် သွေးအလှူရှင်အရေအတွက်နဲ့ သွေးလိုအပ်နေတဲ့ သူအရေအတွက်ကို ပြန်လည်တွက်ချက်ပြီး လိုအပ်မှုရှိခဲ့ရင် သွေးအလှူရှင်အသစ်တွေကို အမျိုးသားသွေးဌာနက ထပ်မံဖိတ်ခေါ်တယ်လို့လည်း သိရပါတယ်။  

 

 

 

Related News