အထက်မြန်မာပြည်တက္ကသိုလ်ပေါင်းစုံစစ်တုရင်ပြိုင်ပွဲကိုသြဂုတ်လ(၁၈)ရက်ကစတင်ပြီး မန္တလေးမြို့ ရတနာပုံတက္ကသိုလ်မှာ ပြုလုပ်နေပါတယ်။ အခုပြုလုပ်တဲ့အထက်မြန်မာပြည် တက္ကသိုလ်ပေါင်းစုံ စစ်တုရင်ဖိတ်ခေါ်ပြိုင်ပွဲကို ရတနာပုံတက္ကသိုလ် စစ်တုရင်ကလပ်ကဦးဆောင်ပြုလုပ်တာဖြစ်တယ်လို့သိရပါတယ်။ တက္ကသိုလ်ပေါင်းစုံ စစ်တုရင်ပြိုင်ဖိတ်ခေါ်ပြိုင်ပွဲ ပြလုပ်တာဟာ စစ်တုရင်အားကစားနည်းကိုပိုမိုသိရှိလာရန်နဲ့ တက္ကသိုလ်လူငယ်တွေ စိတ်ဝင်တစားပါဝင်လာကြဖို့ရည်ရွယ်ပြီး ပြုလုပ်တာဖြစ်တယ်လို့ ရတနာပုံတက္ကသိုလ် စစ်တုရင်ကလပ်ဥက္ကဋ္ဌက ပြောပါတယ်။

အခုပြုလုပ်တဲ့ စစ်တုရင်ပြိုင်ပွဲကို အထက်မြန်မာပြည်မှာရှိတဲ့ တက္တသိုလ်၊ ဒီဂရီကောလိပ် ၁၂ ခုက ကျောင်းသားကျောင်းသူ (၁၁၉)ဦး လာရောက်ယှဉ်ပြိုင်ကြတယ်လို့သိရပါတယ်။ မန္တလေး၊ တောင်ကြီး၊ လားရှိုး၊ စစ်ကိုင်း၊ ရွှေဘို၊ မကွေးမြို့တွေမှာရှိတဲ့ တက္ကသိုလ် ကျောင်းသားကျောင်းသူတွေ ပါဝင် ယှဉ်ပြိုင်ကြတယ် လို့သိရပါတယ်။ ဒီစစ်တုရင်ပြိုင်ပွဲကို ပြိုင်ပွဲ(၇)ချီ ဆွစ်စနစ်နဲ့ ကျင်းပမှာဖြစ်ပြီး အမျိုးသားအမျိုးသမီးတစ်ဦးချင်း နဲ့ အသင်းလိုက်ပြိုင်ပွဲတွေယှဉ်ပြိုင်သွားမယ်လို့သိရပါတယ်။ အခုပြုလုပ်တဲ့ အထက်မြန်မာပြည်တက္ကသိုလ်ပေါင်းစုံစစ်တုရင်ပြိုင်ပွဲကို သြဂုတ်လ (၁၈)ရက်မှ (၂၁)ရက်အထိ (၄)ရက်ကြာ ရတနာပုံတက္ကသိုလ်(မန္တလေး)မှာပြုလုပ်ကျင်းပသွားမှာဖြစ်ပါတယ်။ ဆုတွေအနေနဲ့ အသင်းလိုက် ပထမ၊ ဒုတိယ၊ တတိယ နဲ့ ကျား၊ မ တစ်ဦးချင်းအလိုက် ပထမ၊ ဒုတိယ၊ တတိယဆုတွေပေးအပ်သွားမယ်လို့သိရပါတယ်။ 

 

 

 

Related News